பாஜக தேர்தல் அறிக்கை பூட்டிய ஒரு அறைக்குள், ஒரு மனிதரின் எண்ணப்படி தயாரிக்கப்பட்டது-ராகுல் காந்தி

பாஜக தேர்தல் அறிக்கை பூட்டிய ஒரு அறைக்குள், ஒரு மனிதரின் எண்ணப்படி தயாரிக்கப்பட்டது என்று  ராகுல் காந்தி தெரிவித்துள்ளார். 

இந்தியாவில் 7 கட்டமாக மக்களவை  தேர்தல் நடைபெற உள்ளது. முதல் கட்ட தேர்தல் ஏப்ரல் 11-ஆம் தேதி, இரண்டாம் கட்ட தேர்தல் ஏப்ரல் 18 -ஆம் தேதி, மூன்றாம் கட்ட தேர்தல் ஏப்ரல் 23-ஆம் தேதி, நான்காம் கட்ட தேர்தல் ஏப்ரல் 29-ஆம் தேதி,ஐந்தாம் கட்ட தேர்தல் மே 6-ஆம் தேதி,ஆறாம் கட்ட தேர்தல் மே 12-ஆம் தேதி,ஏழாம் கட்ட தேர்தல் மே 26-ஆம் தேதி நடைபெற உள்ளது.

மக்களவை தேர்தல் மற்றும் 18 தொகுதிகளுக்கான இடைத்தேர்தல் தமிழகத்தில் ஏப்ரல் 18-ஆம் தேதி நடைபெற உள்ளது.இந்தியா முழுவது தேர்தல் களம் சூடு பிடித்துள்ளது .இந்நிலையில் முக்கிய தேசிய கட்சிகளான பாஜக மற்றும் காங்கிரஸ் இடையே இந்த தேர்தலில் கடும் போட்டி நிலவியுள்ளது.இரு கட்சிகளும் வேட்பாளர் பட்டியலை ஏற்கனவே அறிவித்து விட்டது.

காங்கிரஸ் கட்சியின் தேர்தல் அறிக்கையை வெளியிட்டார் காங்கிரஸ் தலைவர் ராகுல் காந்தி.அதேபோல் பாஜகவின் தேர்தல் அறிக்கையும் வெளியிடப்பட்டது.

இந்நிலையில் பாஜக தேர்தல் அறிக்கை குறித்து காங்கிரஸ் தலைவர் ராகுல் காந்தி  கருத்து தெரிவித்துள்ளார்.அவர் கூறுகையில்,பாஜக தேர்தல் அறிக்கை பூட்டிய ஒரு அறைக்குள், ஒரு மனிதரின் எண்ணப்படி தயாரிக்கப்பட்டது.காங்கிரசின் தேர்தல் அறிக்கை மக்கள் மனநிலையின் பிரதிபலிப்பே மக்களின் கருத்துக்களை கேட்டுத் தான் தயாரிக்கப்பட்டது என்று  ராகுல் காந்தி தெரிவித்துள்ளார்.