பொன்.ராதாகிருஷ்ணன் மீது தக்கலை போலீசார் வழக்குப்பதிவு !

கன்னியாகுமரி தொகுதி பாஜக வேட்பாளர் பொன்.ராதாகிருஷ்ணன் மீது தக்கலை போலீசார் வழக்குப்பதிவு செய்துள்ளனர்

தமிழகத்தில் மக்களவை தேர்தல் மற்றும் இடைத்தேர்தல் ஏப்ரல் 18-ஆம் தேதி நடைபெற உள்ளது.இந்நிலையில் தேர்தலை யொட்டி தமிழகத்தில் தேர்தல் களம் சூடுபிடித்து உள்ளது .அனைத்து கட்சிகளும் போட்டி போட்டு தங்களது தேர்தல் அறிக்கைகளையும் , வேட்பாளர் பட்டியலையும் அறிவித்தனர்.

அதேபோல் வேட்பாளர்கள் கடந்த சிலநாட்களாக  வேட்புமனு தாக்கல் செய்தனர்.பின்னர் வேட்புமனு மீதான பரிசீலனையும் செய்யப்பட்டது.ஆனால் இது ஒருபுறம் மறுபுறம் தங்களது கட்சிகளின் வேட்பாளர்களுக்கு ஆதரவாக கட்சியின் முக்கிய பிரமுகர்கள் ஒவ்வொரு ஊராக சென்று பிரச்சாரம் செய்து வருகின்றனர்.

இந்நிலையில்  கன்னியாகுமரி தொகுதி பாஜக வேட்பாளர் பொன்.ராதாகிருஷ்ணன் மீது தக்கலை போலீசார் வழக்குப்பதிவு செய்துள்ளனர்.அனுமதியின்றி திறந்த ஜீப்பில் பிரசாரம் மேற்கொண்டதாக, தேர்தல் அதிகாரி ஷாஜிநிஷா அளித்த புகாரின் பேரில் நடவடிக்கை எடுக்கப்பட்டுள்ளது.