மோகன் ராஜா இயக்கத்தில், சிவகார்த்திகேயன், நயன்தாரா ஜோடி சேர்ந்து பிரமாண்டமாக எடுக்கப்பட்டுள்ள படம் ‘வேலைக்காரன்’. இதில், சிவகார்த்திகேயனுக்கு அப்பாவாக நடிகர் சார்லி நடித்துள்ளார். படம் பற்றியும், சிவகார்த்திகேயன் பற்றியும் ஒரு பேட்டியில் அவர் பேசியுள்ளார். அவர் கூறுகையில், “குறுகிய காலத்தில் சிவகார்த்திகேயனுடன் நெருங்கி பழகிவிட்டேன். தனது மிக எளிமையான நல்ல குணத்தால் பெரும்பாலான ஹீரோக்களிடமிருந்து சிவகார்த்திகேயன் வேறுபடுகிறார். அவரது எளிமையும் எங்களது நட்பும் படத்தில் எங்களது கதாபாத்திரத்திற்கு மேலும் சிறப்பாகியுள்ளது” என்று கூறியுள்ளார்.