பாஜகவுடன் அதிமுக மனதார கூட்டணியில் சேரவில்லை-மு.க.ஸ்டாலின்

• அதிமுக – பாஜக-பாமக  இடையே கூட்டணி ஒப்பந்தம் கையெழுத்தானது.
• பாஜகவுடன் அதிமுக மனதார கூட்டணியில் சேரவில்லை என்று  மு.க.ஸ்டாலின் தெரிவித்துள்ளார்.

அதிமுக – பாஜக-பாமக  இடையே கூட்டணி ஒப்பந்தம் கையெழுத்தானது.மேலும் பாஜகவுக்கு 5 தொகுதிகளையும்,பாமகவிற்கு 7 தொகுதிகள் ஒதுக்கீடு செய்யப்பட்டது.

இது தொடர்பாக  திமுக தலைவர்  மு.க.ஸ்டாலின் கூறுகையில், திராவிட கட்சிகளை அழிப்பதுதான் நோக்கம் என கூறியவர்கள் அதிமுகவுடன் கூட்டு சேர்ந்துள்ளனர்.யார் எந்த கூட்டணி அமைத்தாலும் 40 தொகுதிகளிலும் திமுக வெற்றி பெறும்.

நம்முடன் சில தோழமை கட்சிகள் உள்ளனர், இன்னும் 2 நாட்களில் திமுக கூட்டணி அறிவிக்கப்படும். பாஜகவுடன் அதிமுக மனதார கூட்டணியில் சேரவில்லை.ஒரு அச்சத்திலேயே சேர்ந்துள்ளது.

அரசியலில் அநாதையாக சுற்றுபவர்கள் திமுக கிராம சபை கூட்டம் பற்றி பேசி வருகிறார்கள். உள்ளாட்சி தேர்தலை நடத்த முடியாதவர்கள் தற்போது நாடாளுமன்ற தேர்தலை சந்திக்க தயாராகி வருகிறார்கள் என்று திமுக தலைவர்  மு.க.ஸ்டாலின் தெரிவித்துள்ளார்.