உச்சநீதிமன்ற தீர்ப்பை நாங்கள் ஏற்கிறோம் – தேவசம் போர்டு தலைவர் பத்மகுமார்

உச்சநீதிமன்ற தீர்ப்பை நாங்கள் ஏற்கிறோம் என்று  தேவசம் போர்டு தலைவர் பத்மகுமார் தெரிவித்துள்ளார்.

இன்று  சபரிமலை விவகாரத்தில் சீராய்வு மனுக்கள் மீது விசாரணை நடைபெற்றது.இதில் சபரிமலையில் அனைத்து வயது பெண்களையும் அனுமதிக்க தேவசம் போர்டு சம்மதம் தெரிவித்தது.உச்ச நீதிமன்றத்தின் தீர்ப்பை எதிர்த்த நிலையில் தற்போது ஏற்றுக்கொள்வதாக தேவசம் போர்டு அறிவிப்பு வெளியிட்டது.

பின்  பெண்களை அனுமதிக்கும் விவகாரம் தொடர்பான மறு சீராய்வு மனுக்கள் மீதான தீர்ப்பு ஒத்தி வைப்பதாக உச்சநீதிமன்றம் அறிவித்தது.விசாரணை முடிவடைந்த நிலையில் தீர்ப்பு தேதி குறிப்பிடாமல் ஒத்தி வைத்தது உச்சநீதிமன்றம்.

இந்நிலையில்  இது தொடர்பாக தேவசம் போர்டு தலைவர் பத்மகுமார் கூறுகையில், உச்சநீதிமன்ற தீர்ப்பை நாங்கள் ஏற்கிறோம்.சபரிமலையில் எந்தவித பாகுபாடும் இருக்ககூடாது என்பது தான் எங்கள் கருத்தும். சீராய்வு மனுக்களின் விசாரணையில் பல்வேறு தரப்புகளின் கருத்துக்களை நீதிமன்றம் கேட்டுள்ளது. தீர்ப்பு புதிதாக விதிக்கப்பட்டால் அதையும் நாங்கள் ஏற்று செயல்படுவோம் என்று  தேவசம் போர்டு தலைவர் பத்மகுமார் தெரிவித்துள்ளார்.