கும்மமேளாவில் தாக்குதல் நடத்த சதி….I.S தீவிரவாதிகள் கைது…!!

கும்பமேளா விழாவில் பக்தர்கள் மீது தாக்குதல் நடத்தி, கலவரத்தை ஏற்படுத்தவும் திட்டமிட்ட I.S தீவிரவாதிகள் 9 பேரை தீவிரவாத தடுப்பு போலீசார்  கைது செய்துள்ளனர.

உத்தரபிரதேச மாநிலத்தில் உள்ள பிரயாக்ராஜ்  நகரில் கும்பமேளா விழா நடைபெற்று வருகின்றது.இதில் பங்கேற்க தினந்தோறும் வெளிநாட்டினர் உள்ளிட்ட லட்சக்கணக்கான பக்தர்கள் வருகின்றனர். இந்நிலையில் கும்பமேளா விழாவில் பங்கேற்கும் பக்தர்களை குறிவைத்து ரசாயன ஆயுத தாக்குதல் நடத்த ஐ.எஸ். தீவிரவாதிகள் திட்டமிட்டு இருப்பதாக தகவல் கிடைத்திருந்தது.

இந்நிலையில் தேடுதல் வேட்டையில் ஈடுபட்ட சிறப்பு படை அதிகாரிகள் அவுரங்காபாத்தில் I.S தீவிரவாதிகள் 9 பேரை கைது செய்தனர். மேலும் அவர்கள் வைத்திருந்த  ஹைட்ரஜன் பெராக்சைட் என்ற ரசாயன பாட்டில் ,  பவுடர்கள், கத்திகள், மொபைல்கள், லேப்டாப்கள் போன்றவை பறிமுதல் செய்யப்பட்டது.