அடுத்தடுத்து பிரமாண்ட படங்களை வெளியிட தயார்படுத்தி வருகிறது சன் பிக்ச்சர்ஸ்!!

சன் பிக்சர்ஸ் படதயாரிப்பு நிறுவனம் ஆரம்பித்த புதிதில் மாதத்திற்கு ஒரு படத்தை ரிலீஸ் செய்து வந்தது. அந்த படத்திற்கு புரோமோ மட்டுமே சன் டிவியில் நிமிடத்திற்கு ஒரு முறை வந்துவிடும். அப்படி இருந்த நிறுவனம் அண்மையில் கொஞ்சம் கொஞ்சமாக தனது பழைய நிலைக்கு வந்து கொண்டிருக்கிறது.

கடந்த தீபாவளிக்கு தளபதி விஜய் நடித்த சர்கார் திரைப்படத்தை தயாரித்து பிரமாண்டமாக வெளியிட்டிருந்தது. இதனை தொடர்ந்து சூப்பர் ஸ்டார் ரஜினிகாந்த் நடித்த பேட்ட படத்தை தயாரித்துள்ளது. இந்த படத்தை பொங்கலுக்கு பிரமாண்டமாக வெளியிட உள்ளது.

இந்த படங்களை அடுத்து ராகவா லாரன்ஸ் நடித்து இயக்கி வரும் காஞ்சனா 3 படத்தை  பிரமாண்ட பொருட்செலவில் தயாரித்து வருகிறது. இந்த படத்தை கோடை விடுமுறையில் வெளியிட உள்ளனர்.

அதனை தொடர்ந்து சூர்யா நடிப்பில் ஹரி இயக்க உள்ள புதிய படத்தை சன் பிக்சர்ஸ் தயாரிக்க உள்ளது. இது சிங்கம் சீரிஸாக இல்லாமல் வேறு ஒரு குடும்ப படமாக இருக்கும் என கூறப்படுகிறது.

DINASUVADU