மக்கள் செல்வன் விஜய்சேதுபதிக்காக திறக்கப்பட்ட மெழுகுசிலை..!!!மெய்சிலிர்க்க வைத்த அய்யா ஆதிமுலம்..!!!
நடிகர் விஜய் சேதுபதி நடித்து வெளிவந்த ‘நடுவுல கொஞ்சம் பக்கத்த காணோம்’ படம் வித்தியாசமான கதை களத்தை கொண்டு வெளியாகி ரசிகர்களிடையே நல்ல வரவேற்பை பெற்ற நிலையில் அந்த ஹிட் படத்தை இயக்கியவர் இயக்குநர் பாலாஜி தரணிதரன்.
இந்நிலையில் விஜய் சேதுபதியின் 25-வது படமாக உருவாகி இருக்கும் சீதக்காதி படத்தையும் இவரே இயக்கியுள்ளார்.இந்தப் படத்தில் நடிகர் விஜய் சேதுபதி சற்று வித்தியாசமாக 80 வயதுடைய அய்யா ஆதிமூலம் என்கிற முதியவர் கதாபாத்திரத்தில் நடித்து உள்ளார். இந்நிலையில் படத்தில் அவருக்கு ஜோடியாக மூத்த நடிகையான அர்ச்சனா நடித்துள்ளார்.மேலும் நடிகை ரம்யா நம்பீசன் மற்றும் பார்வதி நாயர் மூத்த இயக்குநர் மகேந்திரன் உள்ளிட்ட பலர் நடித்துள்ளனர்.
பெரிதும் எதிர்பார்க்கப்பட்ட படத்தின் ட்ரெய்லர் வெளியிடப்பட்டது.தமிழ் சினிமா நெடுநாள்களுக்கு பிறகு இப்படியொரு கதை களத்தை கண்டுள்ளது என்று மக்களிடமிருந்து பாராட்டுகளை அள்ளிய படத்தின் ட்ரெய்லர் சிகர்களிடையே நல்ல வரவேற்பை பெற்றது. 
படம் டிசம்பர் 20-ம் தேதி வெளியாக உள்ளது.இந்நிலையில் படத்தில் பெரிதும் பேசப்பட்ட நடிகர் விஜய் சேதுபதி நடித்திருக்கும் அய்யா ஆதி மூலம் என்ற கதாபாத்திரத்தை பெருமைப்படுத்துகின்ற வகையில் சென்னை எக்ஸ்பிரஸ் அவென்யூவில் அய்யா ஆதி மூலம் போன்ற மெழுகு சிலை ஒன்று திறக்கப்பட்டுள்ளது. இதில் தமிழ் சினிமாவில் புகழ்பெற்ற பழம்பெறும் இயக்குநர் மகேந்திரன் கலந்துகொண்டு இந்த சிலையைத் திறந்து வைத்தார். மேலும் இந்த நிகழ்ச்சியில் படக்குழுவினரும் கலந்து கொண்டனர்.விஜய் சேதுபதி என்றாலே வித்தியாசம் தான்..யாரும் நடிக்க தயங்கும் கதாபாத்திரங்களை மிகவும் நேர்த்தியாக நடித்து புகழ்பெற்றவர்.இதனாலே மக்கள் இவரை எங்கள் செல்வன் அதாவது மக்கள் செல்வன் என்கின்றனர்.
