மூன்று நாட்களுக்கு தமிழகத்தில் மழை பெய்யும்…!சென்னை வானிலை ஆய்வு மையம்

டிசம்பர் 4 ஆம் தேதி முதல் மூன்று நாட்களுக்கு தமிழகத்தில் மழை பெய்யும் என்று  சென்னை வானிலை ஆய்வு மையம் தெரிவித்துள்ளது.
இது தொடர்பாக சென்னை வானிலை ஆய்வு மையம் கூறுகையில், தமிழகத்தில் கடந்த 24 மணி நேரத்தில் மழை பொழிவு இல்லை. தென் கிழக்கு வங்க கடல் பகுதியில் குறைந்த காற்றழுத்த தாழ்வு நிலை நிலவுகிறது. இது மேற்கு நோக்கி நகரும் பட்சத்தில்  டிசம்பர் 4, 5,6-ஆம் தேதிகளில் மழை பெய்ய வாய்ப்பு உள்ளது. டிசம்பர் 4-ஆம் தேதி கடலோர மாவட்டங்களில் அனேக இடங்களிலும், உள்மாவட்டகளில் ஒரு சில இடங்களில் மிதமான மழை பெய்யும். குறிப்பாக  டிசம்பர்  5 ஆம் தேதி வடதமிழகத்தில் ஓரிரு இடங்களில் கனமழைக்கு வாய்ப்பு உள்ளது. சென்னையை பொறுத்தவரை டிசம்பர் 2, 3-ஆம் தேதிகளில் லேசான மழையும், டிசம்பர் 2 4,5,6-ஆம் தேதிகளில் சில முறை மிதமான மழையும் பெய்ய வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது.