கஜா புயல் பாதித்த மாவட்டங்களில் மின்கட்டணம் செலுத்த டிசம்பர் 5ஆம் தேதி வரை அவகாசம்…! மின்வாரியம் அறிவிப்பு

கஜா புயல் பாதித்த மாவட்டங்களில் மின்கட்டணம் செலுத்த டிசம்பர் 5ஆம் தேதி வரை அவகாசம் வழங்கியுள்ளது மின்வாரியம்.

தமிழகத்தை குறிப்பாக நாகப்பட்டினம் , தஞ்சாவூர் ,புதுக்கோட்டை , திருவாரூரை காலி செய்த கஜா புயலின் தாக்கத்திலிருந்து கொஞ்சம் கொஞ்சமாக மக்கள் மீண்டு வருகின்றனர்.

அதுமட்டுமில்லாமல் நாகை , திருவாரூர்,புதுக்கோட்டை மற்றும் தஞ்சை ஆகிய மாவட்டங்களில் நிவாரண பணிகளையும் , நிவாரண உதவிகளையும் பல்வேறு சமூக ஆர்வலர்கள் செய்து வருகின்றனர்.

இந்நிலையில் கஜா புயல் பாதித்த மாவட்டங்களில் மின்கட்டணம் செலுத்த டிசம்பர் 5ஆம் தேதி வரை அவகாசம் வழங்கியுள்ளது மின்வாரியம். திருவாரூர், தஞ்சை, திருச்சி, மெட்ரோ (மணப்பாறை மற்றும் திருச்சி கிழக்கு 2 கோட்டங்களுக்கு) அவகாசம். புதுக்கோட்டை, நாகையில் (கோட்டங்களுக்கு மட்டும்) அவகாசம் வழங்கியுள்ளது மின்வாரியம்.