ரூ 1,350,00,00,000_க்கு அடமானம்….பள்ளிக்கரணை நிலம், சதுப்பு நிலம் அல்ல….!!

சென்னை பள்ளிக்கரணை பகுதியில் சுமார் 20 ஏக்கர் பரப்பளவில் உள்ள சதுப்பு நிலத்தை 1350 கோடி ரூபாய்க்கு ஆக்ஸிஸ் வங்கியில் சட்ட விரோதமாக அடமானம் வைத்து தனியார் நிறுவனம் கடன் பெற முயற்சி செய்ததாக சென்னை கொடுங்கையூரை சேர்ந்த கலாமின் அக்னி சிறகுகள் அறக்கட்டளை செயலாளர் செந்தில் குமார் என்பவர் சென்னை உயர்நீதிமன்றத்தில் மனு தாக்கல் செய்திருந்தார்.

இந்த வழக்கை விசாரித்த உயர் நீதிமன்றம், சதுப்பு நிலத்தை அடமானம் வைக்கும் வகையில் பத்திரப்பதிவு செய்யவோ அல்லது தனியார் நிறுவனத்திற்கு குத்தகைக்கு விடவோ இடைக்கால தடை விதித்து உத்தரவிட்டது.மீண்டும் விசாரணைக்கு வந்த இந்த வழக்கில் , அடமானம் வைக்கப்பட  இந்த நிலம் சதுப்பு நிலம் அல்ல என வனத்துறை சார்பில் பதில் மனு தாக்கல் செய்யப்பட்டது. இந்த பதில் மனுவை ஆய்வு செய்த நீதிபதிகள், இந்த வழக்கின் விசாரணையை டிசம்பர் 10ம் தேதிக்கு தள்ளி வைத்து, அன்றைய தினம் மனுதாரர் தன்னுடைய அறக்கட்டளை தொடர்பான ஆவணங்கள், வீட்டு முகவரி மற்றும் ஆதார் அடையாள அட்டை உள்ளிட்ட ஆவணங்களை தாக்கல் செய்ய வேண்டும் எனவும் உத்தரவிட்டனர்.

dinasuvadu.com