திமுக தலைவர் மு.க ஸ்டாலினுடன்…..மார்க்சிஸ்ட் மாநிலச் செயலாளர் கே.பாலகிருஷ்ணன் சந்திப்பு..!!!

தி.மு.க. தலைவர் மு.க.ஸ்டாலினை, மார்க்சிஸ்ட் தலைவர்கள் கே.பாலகிருஷ்ணன், டி.கே.ரங்கராஜன் சந்தித்தனர்.அவர்களுக்கு ஸ்டாலின் நிலவேம்பு கஷாயம் கொடுத்து வரவேற்றார்.

திமுக தலைவர் மு.க.ஸ்டாலினை தமிழ்நாடு மார்க்சிஸ்ட் மாநிலச் செயலாளர் பாலகிருஷ்ணன் மற்றும் அக்கட்சியின் எம்.பி. டி.கே.ரங்கராஜன் உள்ளிட்டோர் சந்தித்துப் பேசினார். இந்த சந்திப்பு சென்னை அண்ணா அறிவாலயத்தில் நடைபெற்றது.இந்த சந்திப்பில் டெங்கு காய்ச்சலை கட்டுப்படுத்த ஆளும் அரசு எந்த நடவடிக்கையும் எடுக்கவில்லை என்று டெங்கு காய்ச்சல் குறித்தும் விவாதிக்கப்பட்டதாக தகவல்கள் தெரிவிக்கின்றன.

இந்த சந்திப்புக்கு பின் செய்தியாளர்களிடம் பேசிய பாலகிருஷ்ணன், திமுக தலைவருடன் அரசியல் நிலவரங்கள் குறித்து விவாதிக்கப்பட்டதாகத் தெரிவித்தார்.

மேலும் வரும் 13ஆம் தேதி மார்க்சிஸ்ட் பொதுச்செயலாளர் சீதாராம் யெச்சூரி,திமுகத் தலைவர் மு.க.ஸ்டாலினை சந்தித்துப் பேச உள்ளதாக கூடுதல் தகவலையும் தெரிவித்தார்.மேலும் 20 தொகுதிகளுக்கான இடைத்தேர்தலில் போட்டியிடுவது மற்றும் கூட்டணி குறித்து விரையில் அறிவிக்கப்படும் என்று பாலகிருஷ்ணன் தெரிவித்தார்.

DINASUVADU