வெஸ்ட்இண்டீஸ்க்கு ஆதரவாக இந்திய ரசிகர்கள் வாங்கிக்கட்டிய ஹர்பஜன்….

by Dinasuvadu deskPosted on October 6, 2018

ராஜ்கோட் டெஸ்ட் போட்டியில் மே.இ.தீவுகள் அணியின் ஆட்டத்தின் நிலைமை மிக மோசமான நிலையில் உள்ளது, இதனைக் குத்திக் காட்டும் விதமாக ஹர்பஜன் தன் சமூகவலைத்தளத்தில், “மே.இ.தீவுகள் கிரிக்கெட்டின் மீது அனைத்து மரியாதைகளுடன் நான் ஒரு கேள்வியை உங்களிடத்தில் வைக்கிறேன்…இந்த மே.இ.தீவுகள் அணியை வைத்துக் கொண்டு பிளேட் குரூப்பிலிருந்து ரஞ்சி காலிறுதிக்குத் தகுதி பெற முடியுமா? உயர்மட்ட ரஞ்சியில் வாய்ப்பில்லை” என்று ட்வீட் செய்து கேலி செய்தார்.
இது நெட்டிசன்கள் மத்தியில் கடும் தார்மீக ஆவேசத்தை ஏற்படுத்தியுள்ளது.
அபினவ் மிஸ்ரா: முன்னாள் இங்கிலாந்து வீரர்கள் நம் அணியை இவ்வாறு கேலி செய்திருந்தால் 2011,2014 தொடர்களில் உங்கள் எதிர்வினை எப்படி இருந்திருக்கும்? மரியாதைக் கெட்டத் தனமாக உள்ளது உங்கள் பதிவு என்றார்.

மற்றொருவர், “நாம் அங்கு விளையாடும்போது இங்கிலாந்துக்கும் அப்படித்தான் இருந்திருக்கும். காரணமில்லாமல் அகந்தையைக் காட்டாதீர்கள் ஹர்பஜன், நீங்கள் விளையாட்டு வீரர் என்பதை மறந்து விட்டீர்களா?” என்றார் மற்றொரு நெட்டிசன்.
இன்னொரு நெட்டிசன், கொஞ்சம் மரியாதையுடன் பேசினால் என்ன? இங்கிலாந்தில், பாகிஸ்தானுக்கு எதிராக மே.இ.தீவுகள் டெஸ்ட்டில் வென்றுள்ளது. அவர்கள் அணியில் முக்கிய வீரர்கள் இல்லை என்று ஆதங்கத்தை வெளிப்படுத்தினார்.
இன்னொருவர், ‘உங்களிடமிருந்து இப்படிப்பட்ட மரியாதைக் கெட்ட ட்வீட்டை எதிர்பார்க்கவில்லை’ என்று சாடியுள்ளார்.வெஸ்ட்இண்டீஸ் அணிக்கு ஆதரவாக இந்திய அணி வீரர்கள் போட்ட ட்வீட் வைரலாகி வருகிறது.
DINASUVADU