கர்நாடக முன்னாள் முதலமைச்சர் சித்தராமையா இன்னும் சற்று நேரத்தில் டெல்லிக்கு செல்கிறார்.

கர்நாடகாவில் உள்ள 224 சட்டமன்றத் தொகுதிகளுக்கும் கடந்த மே 10ம் தேதி ஒரே கட்டமாக தேர்தல் நடைபெற்று, மே 13ம் தேதி வாக்குகள் எண்ணப்பட்டு முடிவுகள் அறிவிக்கப்பட்டது. அதில் பெரும்பாலான இடங்களில் காங்கிரஸ் வெற்றி பெற்று தனிப்பெரும்பான்மையுடன் ஆட்சி அமைக்க இருக்கிறது.

இதனையடுத்து, மாநிலத்தின் முதலமைச்சர் யார் என்பது குறித்த விவாதங்கள் நீடித்து வந்தன. கர்நாடக முதலமைச்சர் யார் என்பதை கட்சி மேலிடம் முடிவு செய்யும் என நேற்றிரவு 2 மணி வரை நீடித்த காங்கிரஸ் சட்டமன்ற உறுப்பினர்கள் கூட்டத்தில் தீர்மானம் நிறைவேற்றப்பட்டது.

இந்நிலையில், கர்நாடக முன்னாள் முதலமைச்சர் சித்தராமையா சற்று நேரத்தில் டெல்லிக்கு செல்லவிருக்கிறார். சித்தராமையா காங்கிரஸ் தேசிய தலைவர் கார்கே, சோனியா காந்தி மற்றும் ராகுல் காந்தியை சந்திக்க உள்ளார்.

முன்னதாக, செய்தியாளர் சந்திப்பில் பேசிய காங்கிரஸ் மாநில தலைவர் டி.கே.சிவகுமார், முதல்வர் யார் என்ற முடிவை தலைமையிடம் விட்டுவிட்டோம், டெல்லி செல்வதற்கு இன்னும் முடிவு எடுக்கவில்லை. முதலமைச்சர் பதவி குறித்து, மேலிடம் என்ன முடிவு எடுக்கிறதோ அதை ஏற்பேன் என்று கூறியது குறிப்பிடத்தக்கது.

செந்தில்குமார்

நான் செந்தில்குமார், எலக்ட்ரிக்கல் எலக்ட்ரானிக்ஸ் பிரிவில் டிப்ளமோ முடித்திருக்கிறேன். செய்தி ஊடகத்தின் மீதான ஆர்வத்தினால், ஒரு வருடமாக தினச்சுவடு ஊடகத்தில் பணியாற்றி வருகிறேன். டெக்னாலஜி, க்ரைம், விளையாட்டு, தமிழ்நாடு முதல் உலக செய்திகள் வரை அனுபவம் உள்ளது.

See Full Bio