ராகவா லாரன்ஸ் நடிக்கும் சந்திரமுகி 2 ல் சிம்ரன் நடிப்பதாக கூறியது பொய் என்று அவரே டுவிட்டர் பக்கத்தில் அறிவித்துள்ளார் .

இயக்குநர் பி. வாசு இயக்கத்தில் கடந்த 2005ஆம் ஆண்டு வெளியாகி வெற்றி பெற்ற திரைப்படம் தான் சந்திரமுகி. இந்த திரைப்படத்தில் சூப்பர் ஸ்டார் ரஜினிகாந்த் தான் கதாநாயகனாக நடித்திருந்தார். மேலும் ஜோதிகா, நயன்தாரா, பிரபு, வடிவேலு உள்ளிட்ட பலர் முக்கிய வேடங்களில் நடித்திருந்தார்கள். தற்போது இந்த படத்தின் இரண்டாம் பாகத்தை எடுக்க போவதாக பி. வாசு கூறியிருந்தார். கதாநாயகனாக அந்த படத்தில் முன்னணி ஹீரோ ராகவா லாரன்ஸ் தான் நடிக்கவுள்ளார். மேலும் லாரன்ஸிற்கு ஜோடியாக அனுஷ்கா நடிப்பதாக தகவல் வெளியானது மேலும் சமீபத்தில் ராகவா லாரன்ஸ் இதில் வேட்டையனாக நடிக்கவுள்ளதாகவும் இயக்குநர் தெரிவித்திருந்தார்.மேலும் சந்திரமுகி 2 படத்திலும் ஜோதிகாவை நடிக்க வைக்க கோரி அவரை அணுகியதாகவும்,ஜோதிகா இந்த படத்தில் இரட்டை வேடங்களில் நடிக்கவுள்ளதாகவும் தகவல் வெளியானது. ஆனால் ஜோதிகா சமீபத்தில் அளித்த பேட்டி தன்னை சந்திரமுகி 2 ல் நடிக்க கோரி யாரும் அணுகவில்லை என்று கூறியிருந்தார் .

அதனையடுத்து ஜோதிகா நடித்த கதாபாத்திரத்தில் நடிகை சிம்ரன் நடிக்கவுள்ளதாக தகவல்கள் வெளியாகியுள்ளன. அதற்கான பேச்சுவார்த்தை நடைபெற்று வருவதாக கூறப்படுகிறது. ஏற்கனவே சந்திரமுகி படத்தில் ஜோதிகாவிற்கு முன்னர் சிம்ரன் தான் நடிக்கவிருந்ததாக கூறப்பட்டது . இந்நிலையில் தற்போது இது குறித்து சிம்ரன் தனது டுவிட்டர் பக்கத்தில் கூறியதாவது, இது தவறான செய்தி என்றும், சந்திரமுகி 2 படத்திற்காக யாரும் என்னை அணுகவில்லை என்று எனது ரசிகர்களுக்கு நான் தெளிவுபடுத்த விரும்புகிறேன் என்று கூறியுள்ளார். இதிலிருந்து அவர் சந்திரமுகி 2 ல் நடிக்கவில்லை என்பது உறுதியாகியுள்ளது.

 

It is a fake news I am sorry to disappoint my fans wanted to clarify I have not been approached for any such role for a movie. I kindly request you all to plz get it right before publishing it on any platform.
Thank you. https://t.co/0xADfO3wwG

— Simran (@SimranbaggaOffc) June 2, 2020