நல்லெண்ணம் கொண்ட ரஜினியின் எந்தவொரு அரசியல் முடிவையும் ஏற்றுக்கொள்வோம் என அமைச்சர் ராஜேந்திர பாலாஜி அவர்கள் தெரிவித்துள்ளார்.
தமிழ் திரையுலகின் சூப்பர் ஸ்டார் என அழைக்கப்படக்கூடிய ரஜினிகாந்த் கடந்த இரு வருடங்களுக்கு முன்பதாக தான் அரசியலுக்கு வரப்போவதாக கூறியிருந்தார். எனவே வருகின்ற தேர்தலில் அவர் கட்சி துவங்கி போட்டியிடுவார் என ரசிகர்களால் எதிர்பார்க்கப்பட்டது. ஆனால், அண்மையில் அவருக்கு உடல் நலம் குறைந்து இருப்பதாக கூறப்பட்டதை அடுத்து, இணையத்தில் அறிக்கை ஒன்று வெளியாகி அதில் அவர் அரசியலுக்கு வரமாட்டார் எனவும் வதந்திகள் கிளம்பியது.
உடல்நலம் சரியில்லை என்பது உண்மை தான் என ஏற்றுக்கொண்ட ரஜினி ஆனால், அந்த அறிக்கை தான் வெளியிடவில்லை என மறுத்திருந்தார். இந்நிலையில், இதுகுறித்து பேசிய பால்வளத்துறை அமைச்சர் பாலாஜி ரஜினி கடந்த 40 ஆண்டுகளாக மக்களுடனே இருப்பதால் அவர் அரசியலுக்கு வந்தாலும், வராமல் போனாலும் ரஜினியை நாங்கள் ஏற்றுக்கொள்ளுவோம் என கூறியுள்ளார்.
