35 C
Chennai
Wednesday, August 4, 2021

VI-யின் புதிய ரூ.948 போஸ்ட்பெய்ட் திட்டம்.. அமேசான் ப்ரைம் சந்தா இலவசமாம்!!

தொலைதொடர்பு நிறுவனங்களில் முன்னணி நிறுவனமான VI, தனது வாடிக்கையாளர்களை அதிகரிக்கவும், தங்களின் பயனர்களுக்கு அதிரடி சலுகைகளை வழங்கி வருகிறது. அந்தவகையில் தற்பொழுது அதன் புதிய ரூ.948 பேமிலி போஸ்ட்பெய்ட் திட்டத்தை அறிமுகப்படுத்தியுள்ளது. அந்த திட்டத்தின் விபரங்கள் குறித்து காணலாம்.

ரூ.948 பேமிலி போஸ்ட்பெய்ட் திட்டம்:

இந்த ரூ.948 திட்டத்தின் விலை, ரூ.699 ஆகும். இந்த திட்டத்தில் கூடுதலாக இரண்டு அம்சங்களை சேர்த்துள்ளதால் இதன் விலை ரூ.249 உயர்த்தப்பட்டு, தற்பொழுது ரூ.948-க்கு அறிமுகமாகியுள்ளது. இது பேமிலி போஸ்ட்பெய்ட் திட்டமாகும். இது இரண்டு இணைப்புகளுக்கான ஆதரவுடன் வருகிறது. இதன் கூடுதல் இணைப்பிற்கு ரூ.249 வசூலிக்கப்படுகிறது. ஒரு மாதம் வேலிடிட்டி கொண்ட இந்த திட்டம், கிழக்கு உத்தர பிரதேச பகுதிகளில் மட்டுமே அமலில் உள்ளது.

இந்த புதிய பேமிலி போஸ்ட்பெய்ட் திட்டத்தின் மூலம் அன்லிமிடேட் டேட்டா, அன்லிமிடெட் வாய்ஸ் கால் உள்ளிட்ட சேவைகளை வழங்குகிறது. இதன் இரண்டாம் கூடுதல் இணைப்பில் 30 ஜிபி அதிவேக டேட்டாவும் வழங்குகிறது. இந்த 30 ஜிபி டேட்டா முடிவடைந்ததும், இரண்டாம் நிலை பயனர்களுக்கு ஒரு ஜிபிக்கு ரூ.20 கட்டணமாக வசூலிக்கப்படும்.

டேட்டா சேவைகளை தவிர்த்து, அன்லிமிடெட் வாய்ஸ் கால் மற்றும் மாதத்திற்கு 100 எஸ்.எம்.எஸ் இலவசமாக வழங்கப்படுகிறது. மேலும் இந்த திட்டத்தில் ஒரு மாதத்திற்கான அமேசான் ப்ரைம், ஒரு வருடத்திற்கு ZEE5 பிரீமியம் மற்றும் Vi Movies and TV சந்தாக்கள் முற்றிலும் இலவசமாக வழங்கப்படுகிறது.

Latest news

Related news