வரலட்சுமி சரத்குமாரின் அடுத்த படம்.! ‘கலர்ஸ்’ படத்தின் கலர்ஃபுல் பர்ஸ்ட் லுக் போஸ்ட்ர்.!

Posted on July 10, 2020 by Ragi

வரலட்சுமி சரத்குமார் நடிக்கும் அடுத்த படமான கலர்ஸ் படத்தின் பர்ஸ்ட் லுக் போஸ்ட்ர் வெளியாகி வைரலாகி வருகிறது.

வரலட்சுமி சரத்குமார் நடித்துள்ள டேனி படத்தினை ஓடிடி பிளாட்பாரமான Zee5 தளத்தில் ஆகஸ்ட் 1ம் தேதி வெளியிடுவதாக அறிவிக்கப்பட்டிருந்தது. இந்த நிலையில் அவரது அடுத்த படத்தினை குறித்த முக்கிய அப்டேட் ஒன்று வெளியாகியுள்ளது. ‘கலர்ஸ்’ என்று பெயரிடப்பட்டுள்ள இந்த படத்தின் பர்ஸ்ட் லுக் போஸ்ட்ர் வெளியாகியுள்ளது. நிசார் இயக்கும் இந்தப் படத்திற்கு பிரசாத் பாறப்புறம் திரைக்கதை எழுதியுள்ளார். மேலும் சாஜன் களத்தில் ஒளிப்பதிவு செய்யும் இந்த படத்திற்கு எஸ். பி. வெங்கடேஷ் இசையக்கவுள்ளார்.

அஜி இடிக்குலா தயாரிக்கும் இந்தப் படத்தில் பிரதீப் நடன கலைஞராக பணியாற்றவுள்ளார். வி. எஸ். விஷால் எடிட்டிங் பணிகள் செய்யும் இந்த படத்தில் வரலட்சுமி சரத்குமாருடன் தலைவாசல் விஜய், மொட்டை ராஜேந்திரன், இனியா, திவ்யா பிள்ளை ஆகியோர் முக்கிய வேடங்களில் நடிக்கவுள்ளனர். தற்போது அந்த படத்தின் பர்ஸ்ட் லுக் போஸ்ட்ர் சமூக வலைத்தளங்களில் மிகவும் வைரலாகி வருகிறது.