தல அஜித் நடிப்பில் அடுத்ததாக தயாராக உள்ள திரைப்படம் வலிமை. இந்த படத்தை நேர்கொண்ட பார்வை பட இயக்குனர் H.வினோத் இயக்க உள்ளார். இப்படத்தை போனிகபூர் தான் தயாரிக்க உள்ளார்.யுவன் ஷங்கர் ராஜாதான் இசையமைக்க உள்ளார். நீரவ் ஷா ஒளிப்பதிவு செய்ய உள்ளார் என்பதை தவிர்த்து வேறு எந்த நடிகர் நடிகைகள் பற்றியும் தகவல் வெளியாகவில்லை.
இப்படத்தில் ஹீரோ அஜித்திற்கும் போலீஸ் கதாபாத்திரம், ஹெர்யோயினுக்கும் போலீஸ் கதாபாத்திரம் என்பதால் படக்குழு ஹீரோயின் வேட்டையை தீவிரமாக நடத்தி வருகிறது.
முதலில் நயன்தாரா என கூறப்பட்டது. பின்னர் பாலிவுட் ஹீரோயின் ப்ரணிதி சோப்ரா என கூறப்பட்டது. தற்போது போனிகபூர், நயன்தாரா, விக்னேஷ் சிவன் இருக்கும் புகைப்படம் வெளியானது. ஆனால் மீண்டும் நயன் ஹீரோயின் இல்லை, ரகுல் ப்ரீத் சிங்கிடம் பேச்சுவார்த்தை நடைபெறுகிறது. என கூறப்படுகிறது. இதனால் வலிமை படத்தில்ஹீரோயின் கதாபாத்திரத்தில் யார் நடிக்கிறார் என தற்போது வரை தகவல் உறுதியாகவில்லை. இதனால் இப்பட ஷூட்டிங் தள்ளிப்போகவும் வாய்ப்புள்ளது.
