அமெரிக்க வெளியுறவுத்துறை செயலாளர் அண்டனி ப்ளின்கென் வரும் 27ம் தேதி இந்தியா வர உள்ளதாக தகவல் வெளியாகியுள்ளது.

இந்தியா மற்றும் அமெரிக்கா பாதுகாப்பு ஒத்துழைப்பு, மனித உரிமைகள் மற்றும் உலகளாவிய கொரோனா குறித்தும் விவாதிப்பதற்கும் அமெரிக்க வெளியுறவுத்துறை செயலர் ஆண்டனி பிளிங்கன் புதன்கிழமை இந்தியாவுக்கு வருவதாக கூறப்படுகிறது. இருதரப்பு பாதுகாப்பை மேம்படுத்தவும் கொள்கை பரிமாற்றங்கள், பாதுகாப்பு இடமாற்றங்கள் குறித்தும விவாதிக்கப்படலாம் என எதிர்பார்க்கப்படுகிறது.

இந்த ஆண்டு அமெரிக்காவில் நடைபெறவிருக்கும் நான்காவது 2 + 2 மந்திரி உரையாடலின் போது இவை விரிவாக விவரிக்கப்படும் என்று அரசியல் வட்டாரங்கள் தெரிவிக்கின்றன. அமெரிக்க வெளியுறவுத்துறை செயலர் ஆண்டனி பிளிங்கனின் வருகையின் போது, சர்வதேச நெறிமுறைகளை படிப்படியாக மீண்டும் தொடங்க இந்தியா அழுத்தம் கொடுக்கும் என்றும் கூறப்படுகிறது.

குறிப்பாக மாணவர்கள், தொழில் வல்லுநர்கள், வணிகப் பயணிகள் மற்றும் தங்கள் குடும்பத்துடன் ஒன்றிணைந்தால் போன்றவைகளை எளிதாக்க ஆலோசிக்கப்படும் என்றும் தகவல் தெரிவிக்கப்படுகிறது. மேலும், 2022 ஆம் ஆண்டின் தொடக்கத்தில் இருந்து இந்தோ-பசிபிக் நாடுகளுக்கு இந்தியாவில் உற்பத்தி செய்யப்படும் தடுப்பூசிகளை வழங்குவதற்கு குவாட் தடுப்பூசி (Quad vaccine) முயற்சிக்கு முன்னோக்கிச் செல்ல வழிவகுக்கும் என்றும் கூறப்படுகிறது.

பாலா கலியமூர்த்தி

நான் பாலா கலியமூர்த்தி, இயந்திரவியல் துறையில் இளங்கலை பொறியியல் பட்டம் பெற்றுள்ளேன். கடந்த 4 ஆண்டுகளாக தினசுவடு டிஜிட்டல் ஊடகத்தில் பணியாற்றி வருகிறேன். அங்கு, அரசியல், விளையாட்டு, சினிமா மற்றும் க்ரைம் செய்திகள் ஆகியவற்றை அளித்து வருகிறேன்

See Full Bio