உக்ரைன் அதிபரின் மனைவியை சந்தித்த அமெரிக்க அதிபரின் மனைவி ஜில் பைடன்.
ரஷ்யா உக்ரைன் மீது கடந்த இரண்டு மாதங்களுக்கு மேலாக போர் தொடுத்து வருகிறது. இந்த போரை நிறுத்துமாறு பல நாடுகளும் அறிவுறுத்தி வரும் நிலையில், அதற்கு செவிசாய்க்காமல் ரஷ்யா தனது போரைத் தொடர்ந்து வருகிறது. இந்த போரில் பல்லாயிரக்கணக்கான மக்கள் உயிரிழந்த நிலையில், லட்சக்கணக்கானோர் உக்ரைனை விட்டு வெளிநாடுகளுக்கு அகதிகளாக சென்றுள்ளனர்.
இந்த நிலையில், அமெரிக்க அதிபர் ஜோ பைடன் மனைவி ஜில் பைடன், உக்ரைன் நாட்டிற்கு திடீர் பயணம் மேற்கொண்டார். அங்கு உக்ரைன் அதிபர் மனைவி ஒலெனா செலன்ஸ்கியை சந்தித்துப் பேசினார். அப்போது கொடூரமான போர் நிறுத்தப்பட வேண்டும். உக்ரைன் மக்களுடன் அமெரிக்க மக்கள் துணை நிற்கிறார்கள் என தெரிவித்துள்ளார்.
