சட்டப்படி வாக்குகள் எண்ணப்பட்டால் நான் வென்று விடுவேன்.
கடந்த 3-ம் தேதி அமெரிக்காவில் அதிபர் தேர்தல் நடைபெற்றது. இந்த தேர்தலின் முடிவுகள் இன்னும் வெளியாகாத நிலையில், வாக்கு எண்ணும் பணிகள் மிகவும் விறுவிறுப்பாக நடைபெற்று வருகிறது. தற்போதைய முடிவுகளின்படி 264 வாக்குகளை பெற்று ஜோ பைடனே முன்னிலையில் உள்ளார். இவருக்கு பெரும்பான்மைக்கு இன்னும் 6 வாக்குகளே தேவைப்படுகிறது.
இதுகுறித்து ட்ரம்ப் கூறுகையில், ‘சட்டப்படி வாக்குகள் எண்ணப்பட்டால் நான் வென்று விடுவேன். சட்டவிரோதமாக வாக்குகள் எண்ணப்பட்டால், எங்களிடம் இருந்து, தேர்தல் வெற்றியை அவர்களால் அபகரிக்க முடியாது. பல முக்கிய மாகாணங்களில், ஏற்கனவே வெற்றி பெற்றுள்ளேன் என்றும், வரலாறு காணாத வாக்குகளில் நான் வெற்றி பெற்றிருக்கிறேன்.’ என பதிவிட்டுள்ளார்.
