இன்று முதல் இதற்கெல்லாம் 200 பேர் வரை பங்கேற்க அனுமதி

சமுதாய, அரசியல், விளையாட்டு, கல்வி மற்றும் மதம் சார்ந்த கூட்டங்களில் 200 பேர் வரை பங்கேற்க அனுமதி அளிக்கப்பட்டுள்ளது. 

கொரோனா நோய்ப் பரவலை கட்டுப்படுத்துவதற்கு அரசு மேலும் எடுக்க வேண்டிய நடவடிக்கைகள் குறித்தும், கூடுதல் தளர்வுகளை அறிவிப்பது பற்றியும், தலைமை செயலகத்தில் தமிழக முதலமைச்சர் பழனிசாமி அனைத்து மாவட்ட ஆட்சியர்கள் மற்றும் மருத்துவ நிபுணர்களோடு முதலமைச்சர் பழனிசாமி ஆலோசனை மேற்கொண்டார்.ஆகவே தமிழ்நாட்டில் தளர்வுகளுடன் ஜனவரி 31-ஆம் தேதி நள்ளிரவு வரை பொது ஊரடங்கு நீட்டிக்கப்படுவதாக முதலமைச்சர் பழனிசாமி அறிவித்தார் . மேலும் ஏற்கனவே உள்ள கட்டுப்பாடுகளுடன் ஜனவரி 31ஆம் தேதி ஊரடங்கு அமலில் இருக்கும் என்றும் தெரிவித்தார்.

இந்நிலையில் இன்று முதல் 200 பேர் பங்கேற்கும் வகையில் சமுதாய, அரசியல், விளையாட்டு, கல்வி மற்றும் மதம் சார்ந்த கூட்டங்கள் நடத்த அனுமதி அளிக்கப்பட்டுள்ளது. உள் அரங்குகள் மற்றும் திறந்தவெளியில் நடைபெறும் திரைப்பட, சின்னத்திரை படப்பிடிப்புகளில் உச்சவரம்பின்றி பணி செய்ய அனுமதி அளித்துள்ளது தமிழக அரசு.