சென்னையில் பெட்ரோல் விலை லிட்டருக்கு ரூ.98.88க்கு, டீசல் விலை லிட்டருக்கு ரூ.92.89-க்கு விற்பனை செய்யபடுகிறது.
சர்வதேச சந்தையில் நிலவும் கச்சா எண்ணெய் விலையின் அடிப்படையில், பெட்ரோல், டீசல் விலைகளை நிர்ணயித்துக்கொள்ள எண்ணெய் நிறுவனங்களுக்கு மத்திய அரசு அனுமதி அளித்துள்ளது. அதன்படி, தினமும் பெட்ரோல்,டீசல் விலையை எண்ணெய் நிறுவனங்கள் நிர்ணயித்து வருகின்றன.
இந்தியாவில் கொரோனா காரணமாக ஊரடங்கு பிறப்பிக்கப்பட்டு, மக்களின் அன்றாட வாழ்க்கை பாதித்துள்ள நிலையிலும்,பெட்ரோல்,டீசல் விலையானது ஒவ்வொரு நாளும் அதிகரித்து வருகிறது.
இந்நிலையில், நேற்று சென்னையில் ஒரு லிட்டர் பெட்ரோல் ரூ.98.88-க்கும் டீசல் விலை 6 காசு உயர்ந்து ரூ.92.89-க்கு விற்பனை செய்யப்பட்டது. இன்று சென்னையில் பெட்ரோல் மற்றும் டீசல் விலையில் மாற்றமின்றி நேற்றைய விலைக்கு விற்பனை செய்யப்படுகிறது.
