31.1 C
Chennai
Saturday, May 28, 2022
Home Blog

நாவல் பழத்தின் விதையிலும் இவ்வளவு நன்மைகளா? வாருங்கள் அறிவோம்!

பொதுவாக பழங்கள் என்றாலே இயற்கை நமக்கு கொடுத்துள்ள வரம் என்று தான் சொல்லியாக வேண்டும். ஏனென்றால், ஒவ்வொரு பழத்திலும் அவ்வளவு சத்துக்கள் உள்ளது. குறிப்பாக நாவல் பழத்தில் எக்கச்சக்கமான மருத்துவ நன்மைகளும், சத்துகளும் அடங்கியுள்ளது. அந்த பழத்தை மட்டும் அல்லாமல் அதன் விதையில் ஏகப்பட்ட மருத்துவ நன்மைகள் உள்ளது, அவை என்னவென்று பார்க்கலாம் வாருங்கள்.

நாவல் பழ விதையின் நன்மைகள்

நாவல் பழத்தின் விதையில் அதிக ஊட்டச்சத்துக்கள் காணப்படுகிறது. இது உடலில் காணப்படக்கூடிய பிரச்சினைகள் பலவற்றை சரிசெய்யும் சக்தி கொண்டது. 100 கிராம் நாவல் பழத்தில் 15 மில்லி கிராம் கால்சியமும், 141 மில்லி கிராம் இரும்புச் சத்தும், 35 மில்லி கிராம் மெக்னீசியமும், 15 மில்லிகிராம் பாஸ்பரசும், வைட்டமின், நீர்ச்சத்து, சோடியம் என பல அடங்கியுள்ளது. அதேபோல அந்த பழத்துக்கு ஈடான பலமடங்கு சக்திகளை அதன் விதையும் கொண்டுள்ளது.
அதாவது நாவல் பல விதையை நீரிழிவு நோய் உள்ளவர்களுக்கு பயன்படுத்தலாம். பழத்தை சாப்பிட்டுவிட்டு விதையை நன்றாக காயவைத்து அரைத்து எடுத்து குடிக்கும் பொழுது இதயம் ஆரோக்கியம் அடைகிறது. இதன் மூலம் ஜீரணக் கோளாறுகள் வயிற்றுப் புண் வயிற்று எரிச்சல் ஆகியவையும் குணமடைகிறது. ரத்தத்தை சுத்திகரிக்கக் கூடிய அதிகப்படியான சத்து இந்த நாவல் பழ விதையின் உள்ளது. சர்க்கரை நோயை கட்டுப்படுத்த இது பெரும் பங்கு வகிக்கிறது என்று மருத்துவர்களே கூறுகின்றனர்.

10 நிமிடத்தில் சுவையான உருளைக்கிழங்கு வடை செய்வது எப்படி?

வீட்டிலேயே சுவையான உருளைக்கிழங்கு வடை செய்து அசத்துவது எப்படி என பார்க்கலாம் வாருங்கள்.

தேவையான பொருட்கள்

  • உருளைக்கிழங்கு
  • பெரிய வெங்காயம்
  • பச்சை மிளகாய்
  • மஞ்சள் தூள்
  • மிளகாய் தூள்
  • கரம் மசாலா
  • கடலை மாவு
  • கருவேப்பிலை
  • கொத்தமல்லி
  • உப்பு

செய்முறை

முதலில் உருளைக்கிழங்கை பச்சையாக தோலை சீவி விட்டு துருவி வைத்துக் கொள்ளவும். அதன் பின் துருவிய உருளைக்கிழங்கில் இருந்து தண்ணீர் தானாக விடும். பின் அந்த உருளைக்கிழங்கை கைகளால் எடுத்து நன்றாக தண்ணீரை பிழிந்து தனியாக எடுத்து வைத்துக்கொள்ளவும். உருளைக்கிழங்கு தண்ணீரோடு இருக்கும் பொழுது வடை மொறுமொறுப்பாக இருக்காது. அடுத்ததாக பெரிய வெங்காயத்தை பொடியாக நறுக்கி அதில் உப்பு சேர்த்து நன்றாகப் பிசைந்து உருளைக்கிழங்கையும் அதோடு சேர்த்து பிசைந்து வைத்துக்கொள்ளவும்.

பின் அதில் பொடியாக நறுக்கிய பச்சை மிளகாய், மஞ்சள் தூள், மிளகாய் தூள், கரம் மசாலா, கருவேப்பிலை கொத்தமல்லி தழை மற்றும் வடைக்கு தேவையான அளவு உப்பு சேர்த்து நன்றாகப் பிசைந்து வைத்துக்கொள்ள வேண்டும். பின் கடலை மாவு சேர்த்தால் நன்கு ஒட்டிய பதத்திற்கு வரும், தேவைப்பட்டால் கான்பிளவர் மாவு சேர்த்துக் கொள்ளலாம். பின் இவற்றை உருண்டையாக பிடித்து தட்டி எண்ணெயில் பொரித்து எடுத்தால் மொறு மொறு என்ற உருளைக்கிழங்கு வடை தயார்.

நாம் தினமும் அருந்தும் பாலில் 2 ஏலக்காய் தட்டி போடுவதால் இவ்வளவு நன்மைகள் உள்ளதா ?

நாம் தினமும் அருந்தும் பாலில் 2 ஏலக்காய் தட்டி போடுவதால் கிடைக்கும் நன்மைகள்.

நாம்  தினமும் காலையில் பால் குடிப்பது வழக்கம்.  பாலில் உள்ள கால்சியம் சத்துக்கள் நமது உடலுக்கு ஆரோக்கியத்தை தருவதுடன்,  நமது உடலில் உள்ள நோய்களையும் நீக்குகிறது.

தற்போது இந்த பதிவில், பாலில் ஏலக்காய் சேர்த்து குடிப்பதால் என்னென்ன நன்மைகள் ஏற்படுகிறது என்பது பற்றி பார்ப்போம்.

செரிமானம்

இன்று சிறியவர்கள் முதல் பெரியவர்கள் வரை அனைவருக்குமே செரிமான பிரச்சனைகள் ஏற்படுவதுண்டு.  அப்படிப்பட்டவர்கள் தினமும் பாலில் ஏலக்காய் சேர்த்து குடித்தால் செரிமான பிரச்சனைகள் நீங்கும்.  மேலும் இதில் உள்ள ஃபைபர் ஊட்டச்சத்து நமது உடல் ஆரோக்கியத்தை மேம்படுத்துவதில் முக்கிய பங்கு வகுக்கிறது.

வாய்புண்

வாய்ப்புண் மற்றும் வயிற்றுப்புண் பிரச்னை உள்ளவர்கள் தினமும் பாலில் ஏலக்காயை கலந்து குடித்து வந்தால் இந்த பிரச்சனைகளில் இருந்து விடுபடலாம்.

இரத்த அழுத்தம்

உயர் இரத்த அழுத்தம் பிரச்னை உள்ளவர்களுக்கு எந்த வேளையிலும் இதயம் சம்பந்தமான பிரச்னைகள் ஏற்படலாம்.  அப்படிப்பட்டவர்கள் தினமும் பாலில் ஏலக்காயை கலந்து குடித்தால், அதில் உள்ள மெக்னீசியம் சத்துக்கள் உயர் இரத்த அழுத்தத்தை குறைத்து,  இரத்தத்தை சமநிலையில் வைத்து கொள்ள உதவுகிறது.

சுவையான சிக்கன் -65 வீட்டிலேயே ஈசியாக செய்வது எப்படி?

சுவையான சிக்கன் -65 வீட்டிலேயே ஈசியாக செய்யும் முறை.

சிக்கன் 65 என்றால் பிடிக்காதவர்கள் யாரும் இருக்க முடியாது என்று தான் சொல்லியாக வேண்டும். இந்த சிக்கன் 65 ஐ நாம் வீட்டிலேயே தயாரிப்பது எப்படி என் பார்க்கலாம் வாருங்கள்.

தேவையான பொருள்கள்

  • சிக்கன்
  • இஞ்சி பூண்டு விழுது
  • மிளகாய் தூள்
  • வினிகர்
  • உப்பு
  • சீரகதூள்
  • கான்ஃ ப்ளார்

செய்முறை

முதலில் சிக்கனை அளவாக நறுக்கி அதனை சுத்தப்படுத்தி எடுத்துக்கொள்ளவும். பின்பு அதில் வினிகர் ஊற்றி ஊறவைக்கவும். வினிகர் இல்லாதவர்கள் எலுமிச்சையை பயன்படுத்தலாம். 5 நிமிடம் கழித்து அதில் கான்ஃப்ளார் மாவு, மிளகாய் தூள் சீராக தூள் மற்றும் உப்பு சேர்த்து கலக்கி நன்றாக ஊறவைக்கவும்.

பின்பு ஒரு கடாயில் எண்ணெய் ஊற்றி கலந்து வைத்துள்ள சிக்கன் கலவையை கொஞ்சம் கொஞ்சமாக போட்டு எடுக்கவும். அனைத்தையும் பொரித்து எடுத்ததும் வெங்காயம் வைத்து அலங்கரித்து பரிமாறினாள் அட்டகாசமான சிக்கன் 65 தயார்.

சுவையான காலிஃப்ளவர் சூப் வீட்டிலேயே செய்வது எப்படி?

சுவையான காலிஃப்ளவர் சூப் செய்யும் முறை.

காலிஃப்ளவரை பொரித்து சாப்பிடுவது, குழம்பு வைப்பது கூட்டு வைப்பது என வித்தியாசமான பல முறைகளில் சாப்பிட்டிருப்போம். இன்று இந்த காலிஃப்ளவரில் சுவையான சூப் வீட்டிலேயே செய்வது எப்படி என பார்க்கலாம் வாருங்கள்.

தேவையான பொருள்கள்

  • காலிப்பிளவர்         – 1
  • பாசிப்பருப்பு             – 200 கிராம்
  • வெங்காயம்             – 250 கிராம்
  • தக்காளி                      – 250 கிராம்
  • பச்சை மிளகாய்     – 10
  • சீரகத்தூள்                 – 1/2 ஸ்பூன்
  • சோம்புத்தூள்          – 1/2 ஸ்பூன்
  • மஞ்சத்தூள்              –  1/4  ஸ்பூன்
  • சீரகம்                          –   1/2  ஸ்பூன்
  • உப்பு                             – தேவையான அளவு

செய்முறை

காலமான பாத்திரத்தில் நீர் ஊற்றி மஞ்சள் தூள் மற்றும் பாசி பருப்பு சேர்த்து கொதிக்க விடவும். ஒரு கொத்தி வந்ததும்  வெங்காயம், தக்காளி, ப.மிளகாய் ஆகியவற்றை சேர்க்கவும். பின் அவை நன்கு வெந்ததும் அதில் நறுக்கிய காலிஃப்ளவரை சேர்க்கவும். நன்கு வெந்ததும் உப்பு,  சீரகத்தூள், சோம்புத்தூள் போட்டு நன்றாக கொதிக்கவிடவும். அதற்கும் வேறொரு பாத்திரத்தில் எண்ணெய் ஊற்றி பட்டை, இலை, மிளகு, வரமிளகாய், கறிவேப்பிலை போட்டு தாள்ளித்து சூப்பில் கொட்டி ஒரு கொதிவிட்டு இறக்கி கொத்தமல்லி தூவினால் சுவையான காலிப்பிளவர் சூப் தயார்.

இளநரையை போக்கும் கறிவேப்பிலை துவையல்!

இளநரையை போக்கும் கறிவேப்பிலை துவையல்.

இன்று மிக சிறிய வயதிலேயே பலருக்கும் இளம் நரை ஏற்படுகிறது. இதற்கு காரணம் நமது முறையற்ற உணவு பழக்கம் மற்றும் நமது உடலில் தேவையான சத்து இல்லாததும் தான்.

தற்போது இந்த பதிவில், இளநரையை போக்க என்ன செய்ய வேண்டும் என்பது பற்றி பார்ப்போம்.

தேவையானவை

  • மிளகாய் வற்றல்
  • உளுந்து
  • பூண்டு
  • புளி
  • கறிவேப்பிலை
  • தேங்காய் துருவல்
  • உப்பு

செய்முறை

முதலில்  வாணலியில் எண்ணெய் ஊற்ற வேண்டும். எண்ணெய்  சூடானதும்,மிளகாய் வற்றல், உளுந்து போட்டு வறுக்க வேண்டும். அத்துடன், பூண்டு, புளி மற்றும் சுத்தம் செய்த கறிவேப்பிலை, சீரகம் போட்டு வதக்க வேண்டும்.

கறிவேப்பிலை நன்றாக வதங்குவதற்கு முன், தேங்காய் துருவல் போட்டு கிளறி இறக்கி விட வேண்டும். ஆறிய பின் தேவையான அளவு உப்பு போட்டு அரைக்க வேண்டும். இப்பொது சுவையான கறிவேப்பிலை துவையல் தயார்.

இதனை சோற்றுடன் பிசைந்து அடிக்கடி சாப்பிட்டு வந்தால், முடி சம்பந்தமான பிரச்சனைகளை நீக்குவதுடன், இளம் நரையை போக்குவதிலும் முக்கிய பங்காற்றுகிறது.

உங்களுக்கு இந்த பிரச்சனை உள்ளதா? அப்ப கண்டிப்பா இந்த காய்கறியை உணவில் சேர்த்து கொள்ளுங்கள்!

பீன்ஸில் உள்ள மருத்துவ குணங்கள்.

நாம் நமது சமையல்களில் அதிகமாக காய்கரிகளை சேர்த்துக் கொள்வது வழக்கம். அதிலும் அனைவருமே அணைத்து காய்கறிகளையும் விரும்பி சாப்பிடுவதில்லை. தற்போது இந்த பதிவில், பீன்ஸில் உள்ள மருத்துவ குணங்கள் பற்றி பார்ப்போம்.

குடல் புண்

இன்று சிறியவர்கள் முதல் முதியவர்கள் வரை அனைவருக்குமே, குடல் புண் மற்றும் வாய் புண் பிரச்சனைகள் ஏற்படுவதுண்டு. இதற்கு நமது முறையற்ற உணவு பழக்க வழக்கங்கள் கூட காரணமாகிறது.

இந்த பிரச்சனை உள்ளவர்கள், பீன்ஸை தண்ணீரில் போட்டு கொதிக்க வைத்து அதை பருகி வந்தால், நீண்ட நாள் ஆறாதா வாய்புண், குடல்புண் விரைவில் ஆறிவிடும்.

நீரிழிவு

நீரிழிவு பிரச்னை உள்ளவர்கள், அடிக்கடி பீன்ஸை உணவில் சேர்த்து வந்தால், நீரிழிவு பிரச்சனை விரைவில் நீங்கி விடும்.

மூல நோய்

மூல நோய் பிரச்னை இன்று அதிகமானோருக்கு ஏற்படுகிறது. இந்த பிரச்னை உள்ளவர்களுக்கு பீன்ஸ் ஒரு சிறந்த உணவாகும். இதனை அடிக்கடி உணவில் சேர்த்து வந்தால், இந்த  விடுபடலாம்.

நாவல் பழத்தில் உள்ள நன்மைகள் & மருத்துவகுணங்கள் அறியலாம் வாருங்கள்!

நாவல் பழம் சுவையில் மட்டும் சிறந்தது அல்ல, மாறாக பல நன்மைகளையும் மருத்துவ குணங்களையும்  உள்ளடக்கியது. அவைகளை இன்று பார்க்கலாம் வாருங்கள்.

நாவல் பழத்தில் உள்ள நன்மைகள் & மருத்துவகுணங்கள்

நாவல் பழத்தில் அதிகளவு விட்டமின் சி சத்துக்கள் உள்ளதால் இது முடி உதிர்வை தடுத்து அடர்த்தியான முடி வளர உதவும். அதிகப்படியான கால்சியம் மற்றும் மெக்னீசியம் சத்துக்கள் உள்ளதால் எலும்புகளின் பெலனை அதிகரிக்க செய்யும்.

இரத்த சோக நோய் உள்ளவர்கள் இதை உற்கொண்டால் மிகவும் நல்லது. இதில் உள்ள அதிக வைட்டமின் சத்துக்களின் காரணத்தால் நோய் எதிர்ப்பு சக்தியை அதிகரித்து உடல் ஆரோக்கியமாக இருக்க உதவும். நாவல் பழத்திலுள்ள மிக பெரிய நன்மையே இது புற்றுநோயினை தீர்க்க கூடிய வலிமை கொண்டது என்பது தான். இத்துனை நன்மைகள் கொண்ட இந்த பழத்தை உற்கொண்டு பலன் பெறுவோம்.

முகத்தில் வரும் பருக்களை கட்டுப்படுத்த வேண்டுமா? அப்போ இதை பண்ணுங்க!

முகப்பருவை போக்குவதற்கான வழிமுறைகள்.

முகம் அழகாக இருக்க வேண்டும் என்ற எண்ணம் பெண்கள் ஆண்கள் என அனைவர்க்கும் இருப்பது வழக்கம் தான். இந்நிலையில், உடலில் உள்ள அதிகப்படியான கொழுப்பு மற்றும் ஹார்மோன்களின் வளர்ச்சிக்கேற்ப பருக்கள் தூண்டப்படுகிறது. இது இளம் வயதினர் மற்றும் கர்ப்பிணி பெண்களுக்கு அதிகளவில் வருகிறது.

முகத்தை சுத்தமாக வைத்துக்கொள்ள வேண்டும். முகத்தில் எண்ணெய் வழியாமல் பார்த்துக்கொள்ளவேண்டும். அதிக எண்ணெய் பசை உள்ள சருமம் கொண்டவர்கள் அவ்வப்போது முகத்தை சோப்பு மற்றும் நீரால் கழுவி சுத்தமாக வைத்திருக்க வேண்டும். முகப்பருக்களை அடிக்கடி கையால் தொட்டுப் பார்க்க கூடாது. நகத்தால் கிள்ளவும் கூடாது. இதனால் கிருமித்தொற்று பரவி அடுத்தடுத்து புதிய முகப்பருக்கள் ஏற்படும். வேப்பிலை சிறந்த கிருமி நாசினியாக செயல்படுகிறது.

தடுக்கும் வழிமுறைகள்:

வேப்பம் கொழுந்தை அரைத்து முகப்பருக்களில் பூசி 15 நிமிடங்கள் ஊறவிட்டு வெதுவெதுப்பான நீரில் கழுவவும். இது போல் கடலைமாவு, கஸ்தூரி மஞ்சள் தூள், சோற்றுக்கற்றாழை இவற்றையும் பயன்படுத்தலாம். படிகாரம் கலந்த நீரில் முகத்தை கழுவலாம். ஆன்டிபயாட்டிக் லோஷன் பயன்படுத்தினால் கிருமித்தொற்றை கட்டுப்படுத்தி முகப்பருக்கள் வருவதை தவிர்க்க முடியும். எந்த மருந்து பயன்படுத்தினாலும் பயன்தர ஒரு மாதத்திற்கு மேல் ஆகலாம். எனவே பொறுமையாக பயன்படுத்த வேண்டும். முதலில் மருத்துவரின் ஆலோசனையை பெறுவது மிகவும் அவசியம்.

துத்தி இலையை அரைத்துப் பருக்கள் மீது தடவிவரப் பருக்கள் மறையும். நன்னாரி வேர் கஷாயத்தால் பருக்கள் தீரும். வெட்டி வேர் நூறு கிராம், சந்தனத் தூள் 25 கிராம் ஆகிய இரண்டையும் தூள் செய்து நீர்விட்டுக் கலந்து கட்டிகள் மீது தடவிவர, முகப் பருக்கள், வேனல் கட்டிகள் மாறும். பாசிப் பருப்புப் பொடியுடன் நெல்லிக்காய் தூள் கலந்து சோப்புக்குப் பதில், தினசரிக் குளிக்கப் பயன்படுத்தினால் பரு மாறி உடல் ஒளிபெறும். சாதிக்காய், சந்தனம், மிளகு ஆகிய மூன்றையும் அரைத்துப் பற்று போட, பரு மறையும்.

புதினாவின் நன்மைகளும் பக்க விளைவுகளும்.!

புதினா பற்றிய குறிப்பு :

புதினா இலையை நாம் வீட்டில் சமையலுக்கு பயன்படுத்தி இருப்போம்.ஏனெனில் புதினா நிறைய மருத்துவ குணங்களை கொண்டுள்ளது.இதை பயன்படுத்துவதால் பல பக்கவிளைவுகளும் உள்ளன.

அந்த வகையில் புதினா எண்ணெய்யை பயன்படுத்துவதால் என்னென்ன நன்மைகளும் என்னென்ன பக்கவிளைவுகளும் ஏற்படுகின்றன என்பதை பின்வருமாறு காணலாம்.

புதினாவின் நன்மைகள் :

  • புதினா எண்ணெயை பயன்படுத்துவதால் குடலில் உள்ள அசுத்தங்கள் அனைத்தும் நீக்கப்படுகிறது.சிகிச்சையின் போது குடல் தசைகளை சுருக்க உதவுகிறது.இதனால் தசையில் ஏற்படும் பிடிப்புகள் குறைகின்றன.
  • ஒற்றை தலைவலி அடிக்கடி ஏற்படுபவர்கள் புதினா இலையை அரைத்து நெற்றியில் தடவினால் சிறிது நேரத்தில் தலைவலியில் இருந்து விடுபடலாம்.
  • புதினா எண்ணெய்யை கன்னம் தாடை பகுதியில் தடவுவதால் அதில் உள்ள நரம்புகளை ஓய்வெடுக்க செய்து தலைவலியை குறைக்கிறது.புதினா எண்ணெய்யின் நறுமணம் மனதிற்கு அமைதியை தருவதால் மன அழுத்தம் குறைகிறது.
  • புதினா இலையின் நறுமணம் வாய் துர்நாற்றத்தை போக்க பெரிதும் உதவுகிறது.புதினா இலையில் டீ போட்டு குடிப்பதால் பெண்கள் மாதவிடாய் கால வலியிலிருந்து நிவாரணம் பெற உதவுகிறது.

பக்க விளைவுகள் :

  • குடலிறக்கம்,கல்லீரல் பாதிப்பு ,பித்த குழாய் அடைப்பு போன்ற பிரச்சனைகள் இருப்பவர்கள் புதினா மாத்திரைகளை தவிர்ப்பது நல்லது.ஏனெனில் இந்த மாத்திரை கூடுதல் சிக்கல்களை ஏற்படுத்த வாய்ப்புள்ளது.
  • புதினா எண்ணெய்யை குழந்தைகளுக்கு எக்காரணத்தாலும் பயன்படுத்த கூடாது.இதை பயன்படுத்துவதால் வேறு சில பிரச்சனைகளுக்கு வழிவகுக்கும்.
  • சருமத்தில் இந்த எண்ணெய்யை பயன்படுத்தும் போது பாதாம் அல்லது ஜோஜோபா எண்ணெய் போன்ற கேரியர் எண்ணையை சேர்த்து மட்டுமே பயன்படுத்த வேண்டும்.இல்லையெனில் முகத்தில் எரிச்சல் சருமம் சிவத்தல் போன்ற பிரச்சனை ஏற்படலாம்.
  • புதினா எண்ணெய்யை ஒரு போதும் குடிக்க கூடாது.ஏனெனில் இதன் அடர்த்தி அதிகம் என்பதால் அது உடலுக்கு நஞ்சாகி வாய்ப்புள்ளது.

இந்த சின்ன காயில் இவ்வளவு நன்மைகளா?

அதலக்காயில் உள்ள அற்புதமான குணங்கள் :

இன்று நாம் நமது உடல் ஆரோக்கியத்தை மேம்படுத்துவதற்கான உணவுகளை உண்பதை விட, நமது நாவுக்கு ருசியான உணவுகளை தான் விரும்பி உண்ணுகிறோம். இந்த ருசியான உணவுகளை விரும்பி உண்பதால், நமது உடலில் பல வகையான ஆரோக்கிய கேடுகளை ஏற்படுத்துகிறது.

தற்போது இந்த பதிவில் அதலக்காயில் உள்ள அற்புதமான மருத்துவ பயன்கள் பற்றி பாப்போம். இந்த காய் எந்த நாட்டிலும் விளைவதில்லை. இது நமது  மட்டுமே விளைய கூடிய காய்களில் ஒன்று. இது, தமிழ்நாட்டில் தூத்துக்குடி, விருதுநகர், மதுரை, விருதுநகர், சிவகங்கை போன்ற மாவட்டங்களில் அதிகமாக கிடைக்கும்.

இந்த காயில், இந்தக் காயில், துத்தநாகம், வைட்டமின்சி, பாஸ்பரஸ் போன்ற சத்துக்கள் இதில் அதிகமாக உள்ளது.

நீரிழிவு நோய்

இன்று சிறியவர்கள் முதல் பெரியவர்கள் வரை அனைவருமே நீரிழிவு நோயினால் பாதிக்கப்படுகின்றனர். இதில் உள்ள சத்துக்கள் இரத்தத்தில் சர்க்கரையின் அளவை கட்டுப்படுத்தி, சர்க்கரை நோயின் தாக்கத்தை கட்டுப்படுத்துகிறது.

மஞ்சள் காமாலை

மஞ்சள் காமாலை பிரச்சனை உள்ளவர்களுக்கு இது ஒரு சிறந்த மருந்தாகும். இந்த பிரச்சனை உள்ளவர்கள், இந்த காயை உணவில் சேர்த்து வந்தால், மஞ்சள் காமாலை பிரச்சனையில் இருந்து எளிதில் விடுபடலாம்.

வயிற்று பிரச்சனை

அதலக்காய் வயிறு சம்பந்தமான பிரச்சனைகளை தீர்ப்பதில் முக்கிய பங்கு வகிக்கிறது. இது வயிற்றில் காணப்படும் கிருமிகளை அளிப்பதோடு, குடற்புழு பிரச்சனைகளையும் சரி செய்கிறது.

உடல் எரிச்சல்

உடல் எரிச்சல் பிரச்னை உள்ளவர்களுக்கு இந்த காய் ஒரு சிறந்த மருந்தாகும். இப்பிரச்சனை உள்ளவர்கள் தங்களது உணவில் தினமும் இந்த காயை சேர்த்து வந்தால், இந்த பிரச்சனையில் இருந்து விடுபடலாம்.

எண்ணம் போல் வாழ்க்கை! உங்கள் கணவரை நல்லவராக மாற்றுவது உங்கள் கையில் தான் உள்ளது!

உங்கள் கணவரை நல்லவராக மாற்றுவது உங்கள் கையில் தான் உள்ளது. 

இன்று திருமணமான பலர் தங்களது கணவருடன், உண்மையான உறவுடன் இருப்பது இல்லை. ஏதோ கட்டி வைத்து விட்டார்கள். இவருடன் தான் வாழ வேண்டும் என்ற எண்ணத்துடன் தான் வாழ்கின்றனர். இந்த எண்ணம் இருக்கிற வரை குடும்ப உறவுக்குள் சமாதானம், சந்தோசம் இருப்பது மிகவும் கடினம் தான்.

எந்த ஒரு கடினமான மனதுடைய ஆணையும், ஒரு பெண்ணால் மாற்ற முடியும். மனிதன் என்பவன் கடவுள் பாதி, மிருகம் பாதி செய்த கலவை தான். எனவே மனிதனிடம் இரண்டு குணங்களும் இருக்க கூடும்.

அவன் நல்லவனாக இருப்பதும், கெட்டவனாக இருப்பதும் நமது மனதின் எண்ணங்களை பொறுத்து தான் அமைகிறது. ‘எழவு வீட்டில் இருக்கும் ரோஜாவிலிருந்து பிண வாசனையும், திருமண வீட்டில் இருக்கும் ரோஜாவிடம் திருமண வாசனையும் வரும்.’

இதற்கு காரணம் நமது மனது தான். இரண்டு இடத்தில் இருப்பதும் ஒரே பூ தான். ஆனால், நமது மனதின் எண்ணத்தை பொறுத்து தான் அதன் குணநலன்கள் மாறுகிறது. எனவே எல்லாவற்றிற்கும் காரணம் மனம் தான். உங்களது கணவரிடம் நல்ல முறையில் பேசுவதற்கு தகுதியானவர்கள் நீங்கள் மட்டும் தான். ஆனால், அதற்கு நீங்கள் மனம் வைத்தால் மட்டுமே முடியும்.

கணவன் – மனைவி உறவுக்குள் சண்டைகள் வருவது வழக்கம் தான். திருமணமான முதல் ஒரு வருடம் தான் இப்படிப்பட்ட நிலை காணப்படும். பின் குழந்தை என்று வந்த பின் அவர்கள் இருவரின் கவனமும் குழந்தையின் பக்கம் திரும்பி விடும்.

அழகோ, பணமோ இறுதிவரை நம்முடன் வர போவதில்லை. வாழ்வது ஒரு வாழ்க்கை. அதை நம்மை நம்மி இருப்பவர்களையும், நம்மை சுற்றி இருப்பவர்களையும் துக்கப்படுத்தாமல், சந்தோசமாக வாழ்ந்துவிட்டு போவோம்.

கல் வீச்சை எதிர்கொள்ள காவலர்களுக்கு சிறப்பு உடை – ஸ்ரீநகரில் அமல் !

ஜம்மு காஸ்மீர் மாநிலம் ஸ்ரீ நகர் பகுதியில் பணியில் இருக்கும் சி ஆர் பி எப் பெண் போலீசாருக்கு நவீன உடையும் வழங்கியுள்ளனர்.

ஸ்ரீ நகர் பகுதியில் மத்திய ரிசர்வ் பாதுகாப்பு படையை சேர்ந்த சுமார் 300 பெண் காவலர்கள் பணியில் ஈடுபடுவர். அடிக்கடி கலவரங்கள் ஏற்படும் போது கல்வீச்சு சம்பவங்கள் நடைபெறுவதால் பாதுகாப்பு பணியில் இருக்கும் காவலர்களும் காயமடைகின்றனர்.

இந்நிலையில், காவலர்களது பாதுகாப்பிற்காக புதிதாக நவீன் பாதுகாப்பு ஆடை வழங்கியுள்ளனர். சி ஆர் பி எப் இயக்குனர் ஆர்.ஆர் பத்பூகர் இதனை வழங்கியுள்ளார்.

கலைஞர் சிலையை திறந்து வைத்தார் குடியரசுத் துணைத் தலைவர் வெங்கையா நாயுடு.!

சென்னை ஓமந்தூரார் அரசினர் தோட்ட வளாகத்தில் ரூ.1.17 கோடி செலவில் சுமார் 16 அடி உயரத்தில் மறைந்த தமிழக முன்னாள் முதல்வர் கருணாநிதி அவர்களுக்கு சிலை அமைக்கப்பட்டுள்ளது. சிலையை சுற்றி மெழுகுப்பூச்சுடன் கூடிய கருங்கற்கள் பதிக்கப்பட்டு உள்ளன.

இன்று மாலை 5:30 மணிக்கு சிலை திறப்பு விழா நடந்தது. முதலமைச்சர் ஸ்டாலின் தலைமையில் நடந்த இந்த விழாவில், குடியரசுத் துணைத் தலைவர் வெங்கையா நாயுடு கலந்து கொண்டு முன்னாள் முதல்வர் கருணாநிதி அவர்களின் சிலையை திறந்து வைத்தார். பின்னர் வெங்கையா நாயுடு, ஸ்டாலின், அமைச்சர்கள் உள்ளிட்டோர் மலர் தூவி மரியாதை செலுத்தினார்கள்.

மேலும், இந்த விழாவில், தமிழக அமைச்சர்கள், தி.மு.க., எம்.பிக்கள், எம்.எல்.ஏக்கள் மற்றும் அக்கட்சியின் முக்கிய நிர்வாகிகள் நடிகர் ரஜினிகாந்த், கவிஞர் வைரமுத்து என பலர் கலந்து கொண்டுள்ளனர்.

Kerala lottery :10 கோடி இங்க இருக்கு ! யாருப்பா வின்னர் கேரளா லாட்டரியில் சுவாரசியம்

lottery

திருவனந்தபுரத்தில் உள்ள சைதன்யா லக்கி சென்டரில் விற்பனை செய்யப்பட்ட HB 727990 என்ற எண் கொண்ட லாட்டரி சீட்டுக்கு முதல் பரிசு கிடைத்துள்ளதுகேரள அரசின் விஷூ பம்பர் 10 கோடி பரிசு தொகைக்கான  லாட்டரியை வென்ற அதிர்ஷ்டசாலி இன்னும் லாட்டரி சீட்டை கொண்டுவராதது ஆச்சிரியத்தை ஏற்படுத்தியுள்ளது.

டிக்கெட்டை விற்ற முகவர், அதிர்ஷ்ட குலுக்கல்லுக்கு ஐந்து நாட்களுக்கு முன்பு டிக்கெட் வாங்கப்பட்டதாகக் கூறினார். டிக்கெட் வாங்கியதற்காக திர்ஹாம் கொடுத்த இளைஞர் முதல் பரிசை வென்றிருப்பாரா என்று அந்த முகவர் கருதுவதாக தெரிவித்தார்.

மே 15 மற்றும் 16 ஆகிய தேதிகளில் ஜசீந்தா மற்றும் ரங்கன் என்ற தம்பதியினர் இங்கிருந்து லாட்டரி சீட்டு மூட்டைகளை விற்பனைக்கு வாங்கியுள்ளனர். திருவனந்தபுரம் விமான நிலையத்தில் வந்திறங்கியவர் வெற்றியாளராக இருக்கலாம் என்று கருதப்படுகிறது.அவர் டிக்கெட்டை  திர்ஹாம் கொடுத்து வாங்கியுள்ளார்.

லாட்டரி வெற்றியாளரால் அதிர்ஷ்ட குலுக்கல் முடிந்து 30 நாட்களுக்குள் லாட்டரி சீட்டை வழங்க முடியவில்லை என்றால், வெற்றியாளர் அதற்கான காரணத்தை லாட்டரி அலுவலகத்தில் தாக்கல் செய்ய வேண்டும்.ஒரு மாதத்திற்குள் யாரும் டிக்கெட் எடுக்கவில்லை என்றால், 6 கோடியே 16 லட்சம் ரூபாய் அரசின் கருவூலத்துக்குத் திரும்ப ஒப்படைக்கப்படும்.

கே.ஜி.எப் 2வால் பாக்கெட் பாக்கெட்டாக சிகெரட் பிடித்த 15 வயது சிறுவன்.! இறுதியில் என்ன ஆனது தெரியுமா.?!

நடிகர் யாஷ் நடிப்பில் இரண்டு பாகங்களாக வெளியாகி வெற்றியடைந்த கேஜிஎப் படம் வசூல் ரீதியாகவும், விமர்சன ரீதியாகவும் மிகப்பெரிய வெற்றியை பெற்றது. இதில் இரண்டாம் பாகம் கடந்த மாதம் 14-ஆம் தேதி வெளியானது. இந்த படத்தின் பலகாட்சிகளில் ராக்கி பாய் கதாபாத்திரத்தில் நடித்த யாஷ் கையில் துப்பாக்கியுடன் சிகரெட் பிடிப்பது போன்ற காட்சிகள் அமைந்திருக்கும்.

இந்த சிகரெட் காட்சிகள் எல்லாம் நாம் பார்க்கும் போது வேணுமென்றால், மாஸாக தான் இருக்கும். அப்படி ஒரு காட்சியை நாமும் ராக்கி பாய் போல சிகரெட் பிடித்தால் மாஸாக இருக்கும் என்று ஹைதராபாத்தை சேர்ந்த சிறுவனம் ஒருவர் ஒரு பாக்கெட் சிகரெட்டை ஊதி தள்ளி உள்ளான்.

ஹைதரபாத் மாநிலத்தில் உள்ள ராஜேந்திரநகரில் வசிக்கும் 15 வயதுடைய இந்த  சிறுவன் இரண்டு நாட்களில் மூன்று முறை கேஜிஎப் 2 திரைப்படத்தைப் பார்த்துவிட்டு ஒரு பாக்கெட் சிகரெட்டை  புகைபிடித்தார். இதனால் உடல் நல குறைவு ஏற்பட்டு அந்த சிறுவன் சிகிச்சைக்காக மருத்துவமனையில் அனுமதிக்கப்பட்டுள்ளார். சிகிச்சைக்கு பிறகு, மருத்துவர்கள் அந்த சிறுவனிடம் இதுபோன்ற செயலில் ஈடுபடக் கூடாது என அறிவுரை கூறி அனுப்பியுள்ளனர்.

‘SK20’ ஷூட்டிங் ஸ்பாட்டில் இருந்து வெளியான வைரல் வீடியோ…

தொடர்ந்து பிளாக்பஸ்டர் படங்களை வழங்கி வரும் நடிகர் சிவகார்த்திகேயன் அடுத்ததாக தெலுங்கு இயக்குனர் அனுதீப் இயக்கும் தமிழ்-தெலுங்கு இரு மொழிக படமான ‘எஸ்கே20’ படத்தில் நடித்து வருகிறார்.

தற்போது, இந்த படத்தில் இன்னும் 1 அல்லது 2 பாடல்கள் மட்டுமே எடுக்கபடவுள்ள நிலையில், இப்படத்தின் 90% படப்பிடிப்பு முடிந்துவிட்டது என்று கூறப்படுகிறது.இந்த படத்திற்காக மரியா ரியாபோஷாப்கா என்ற உக்ரேனிய நடிகை சிவகார்த்திகேயனுக்கு கதாநாயகியாக நடிக்கிறார்.

தற்போது, படக்குழு விரைவான அட்டவணைக்காக பாண்டிச்சேரியில் இருக்கிறார்கள் என்பது குறிப்பிடத்தக்கது. அந்த வகையில், எஸ்.கே மற்றும் மரியா ஜோடிகளின் ஒரு காதல் பாடலுக்காக புதுச்சேரி கடற்கரையில் வைத்து எடுக்கவுள்ளனர்.

இந்நிலையில், ஷூட்டிங் ஸ்பாட்டில் சிவகார்த்திகேயனைப் பார்க்க ரசிகர்கள் அதிக அளவில் குவியத் தொடங்கியுள்ளனர். மேலும், ஷூட்டிங் ஸ்பாட்டில் எடுக்கப்பட்ட புகைப்படங்கள் மற்றும் வீடியோக்கள் இணையத்தில் வைரலாகி வருகிறது.

இப்படத்திற்கு தமன் எஸ் இசையமைத்துள்ளார் மற்றும் இந்த படுத்தில் மொத்தம் ஐந்து பாடல்கள் உள்ளன, அதில் சிவகார்த்திகேயன் ஒரு பாடலை எழுதியுள்ளார்.

கேஜிஎப் அதீரா மாதிரி விக்ரம் படத்தில் சூர்யா.! ரகசியத்தை கூறிய பிரபல இயக்குனர்…

இயக்குனர் லோகேஷ் கனகராஜ் இயக்கத்தில் நடிகர் கமல்ஹாசன்நடிப்பில் உருவாகியுள்ள திரைப்படம் விக்ரம். இந்த படத்தில் விஜய் சேதுபதி, பஹத் பாசில், நரேன், போன்ற பல பிரபலங்கள் முக்கியமான கதாபாத்திரத்தில் நடித்துள்ளார்கள். ராஜ்கமல் பிலிம்ஸ்  நிறுவனம் தயாரித்துள்ள இந்த படத்திற்கு இசையமைப்பாளர் அனிருத் இசையமைத்துள்ளார்.

இந்த படத்தில் சூர்யா கௌரவத் தோற்றதில் நடிக்கிறார். ஆனால் சூர்யா நட நடிப்பதை படக்குழுவினர் சஸ்பென்சாக வைத்திருந்தார்கள். எதிர்பாராத விதமாக, படத்தின் படப்பிடிப்பின் போது எடுக்கப்பட்ட வீடியோக்கள், புகைப்படங்கள் இணையத்தில் வெளியாகி வைரலானது. இதன் பிறகு, லோகேஷ் கனகராஜே விக்ரம் படத்தின் இசைவெளியீட்டு விழாவில் சூர்யா நடிப்பதை அறிவித்தார்.

இந்த நிலையில். மாஸ்டர், விக்ரம் படங்களில் வசனம் எழுதிய இயக்குனர் ரத்ன குமார் சமீபத்தில் ஒரு பேட்டியில் விக்ரம் படத்தில் கேமியோ ரோலில் நடித்துள்ள சூர்யாவின் கதாபாத்திரம் குறித்து பேசியுள்ளார். இது தொடர்பாக பேசிய ரத்ன குமார் ” கேஜிஎப் 2 படத்தில் முகத்தை மூடி கொண்டு அதீரா என்று ஒருவரை காமிப்பாங்க ஆனால் அது யாருனு சொல்லமாட்டாங்க.

இரண்டாவது பாகத்தில் அது சஞ்சய் தத் என்று காமிப்பார்கள். அதை போல தான் விக்ரம் படத்தில் சூர்யா வருவார். இது திட்டமிட்ட பட்ட ஐடியா தான். சூர்யா என்ட்ரிக்கு தியேட்டர் என்ன ஆகப்போகுதுனு தெரியல” என கூறியுள்ளார். இவர் கூறியதை பார்த்த சூர்யா ரசிகர்கள் இன்னும் அதிக எதிர்பார்ப்புடன் படத்தை காண காத்துள்ளார்கள்.

பான் இந்தியா படமாக வெளியாகும் “தி லெஜெண்ட்”.! மாஸ் காட்டும் அண்ணாச்சி.!

சரவணன் ஸ்டோர்ஸ் உரிமையாளர் சரவணன் அருள் தற்போது “தி லெஜெண்ட்” என்ற படத்தில் நடித்து முடித்துள்ளார். இந்த படத்தை அஜித்தை வைத்து உல்லாசம் படத்தை இயக்கிய இயக்குனர் ஜே.டி – ஜெரி இயக்கியுள்ளார். இந்த படத்தின் மூலம் தமிழ் சினிமாவில் கதாநாயகனாக சரவணன் அறிமுகமாகிறார்.

இந்த திரைப்படத்திற்கு இசையமைப்பாளர் ஹாரிஸ் ஜெயராஜ் இசையமைத்து வருகிறார். படத்தின் டிரைலர், இசை வெளியீட்டு விழா நாளை நேரு உள் விளையாட்டு அரங்கில் பிரமாண்டமாக நடைபெறவுள்ளது.

இந்த இசை வெளியீட்டு விழாவில், பிரபல நடிகைகளான, பூஜா ஹெக்டே, தமன்னா, ஹன்ஷிகா, ஊர்வசி ரவுடேலா,யாஷிகா ஆனந்த், ராய் லக்ஷ்மி, ஷ்ரத்தா ஸ்ரீநாத், ஸ்ரீலீலா, நுபுர் சனோன், டிம்பிள் ஹயாத்தி ஆகிய நடிகைகள் கலந்து கொள்கின்றார்கள். மொத்தம் பத்து ஹீரோயின்கள் கலந்து கொள்கிறார்கள்.

இந்த நிலையில், இந்த படம் தமிழ், தெலுங்கு, கன்னடம், ஹிந்தி, மலையாளம் ஆகிய இந்து மொழிகளில் பான் இந்தியா படமாக வெளியாகிறதாம். நாளை வெளியாகும் டிரைலரில் படத்தின் ரிலீஸ் தேதி அறிவிக்கப்படும் என எதிர்பார்க்கப்படுகிறது.

#RainAlert:தமிழகத்தில் 5 நாட்கள் மழை;கேரளாவில் அடுத்த இரு தினங்களில்? – வானிலை மையம் அறிவிப்பு!

TN Rain

வெப்பச்சலனம் காரணமாக தமிழகத்தில் இன்று முதல் 5 நாட்களுக்கு மழை நீடிக்கும் என சென்னை வானிலை ஆய்வு மையம் அறிவித்துள்ளது.அதன்படி,இன்று தமிழகம்,புதுவை,காரைக்கால் ஆகிய பகுதிகளின் ஓரிரு இடங்களில் இடியுடன் கூடிய லேசானது முதல் மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

சென்னையைப் பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும் எனவும்,நகரின் சில இடங்களில் இடி,மின்னலுடன் கூடிய மழைக்கு வாய்ப்புள்ளதாகவும் தெரிவிக்கப்பட்டுள்ளது.

மேலும்,இலங்கை மற்றும் அதனை ஒட்டிய தென்மேற்கு வங்கக்கடல்,கேரளா,லட்சத்தீவு ஆகிய கடல் பகுதிகளில் மணிக்கு 40-50 கிமீ வேகத்தில் காற்று வீசக்கூடும் என்பதால் இப்பகுதிகளுக்கு மீனவர்கள் செல்ல வேண்டாம் என்று வானிலை ஆய்வு மையம் தெரிவித்துள்ளது.

இதனிடையே,கேரளாவில் அடுத்த இரண்டு அல்லது 3 நாட்களில் தென்மேற்கு பருவ மழை ஆரம்பிப்பதற்கான சாத்தியக்கூறுகள் உள்ளதாக இந்திய வானிலை மையம் கணித்துள்ளது.

 

உடனே விண்ணப்பியுங்கள்…கல்வித் தொலைக்காட்சியில் CEO பதவி – பள்ளிக்கல்வித்துறை வெளியிட்ட அறிவிப்பு!

DPI

தமிழக அரசின் கல்வித் தொலைக்காட்சியின் CEO பதவிக்கு தகுதி வாய்ந்தவர்கள் விண்ணப்பிக்கலாம் என்று பள்ளிக்கல்வித்துறை அறிவிப்பு விடுத்துள்ளது.இது தொடர்பாக,பள்ளிக்கல்வித்துறை வெளியிட்டுள்ள அறிவிப்பில் கூறப்பட்டுள்ளதாவது:

“தமிழக பள்ளிக் கல்வித் துறையின் கீழ் உள்ள மாநிலக் கல்வி ஆராய்ச்சி மற்றும் பயிற்சி கவுன்சில் (SCERT),கடந்த மூன்று ஆண்டுகளாக அரசு, பள்ளிகளில் படிக்கும் லட்சக்கணக்கான மாணவர்களுக்கு தொலைதூரக் கல்வி வாய்ப்புகளை வழங்கி, கல்வி தொலைக்காட்சியை நடத்தி வருகிறது.

கொரோனா தொற்றுநோய்களின் போது இலட்சக்கணக்கான குழந்தைகளை லீமிங்கில் ஆதரிப்பதற்காக ஒற்றை புள்ளி ஊடகமாக இது செயல்பட்டது.தற்போது சேனல் பல்வேறு பாடங்களில் விரிவுரை அமர்வுகளைக் கொண்டுள்ளது.உயர் தரங்களுக்கான சிறப்பு பயிற்சி பாடங்களும் மேற்கொள்ளப்படுகின்றன.இந்த சேனல் கேபிள் நெட்வொர்க்குகள் மூலம் சென்றடைகிறது.ஆனால் கல்வி தொலைக்காட்சியின் யூடியூப் சேனலும் உள்ளது, அதை இணையம் மூலம் அணுகலாம்.மேலும்,Kalvi TV, Kalvi TV மொபைல் செயலி மற்றும் சமூக ஊடக கையாளுதல்களையும் அறிமுகப்படுத்தியுள்ளது.

மேலும்,குழந்தைகள் மற்றும் இளைஞர்களுக்கு பல்வேறு பொழுதுபோக்கு சேனல்கள் வழங்கப்படுவதால்,மாணவர்களும் ஆசிரியர்களும் KALVITV உடன் இணைவது மிகவும் முக்கியமானதாகிறது, முதன்மையான நோக்கத்துடன் மட்டுமல்லாமல், பெருமை மற்றும் உரிமையுணர்வுடன் செயல்பட்டு வருகிறது.

இந்நிலையில்,கல்வி தொலைக்காட்சி சேனல்,தற்போது முன்னணிப் பாத்திரத்தில் குறைந்தது 5-8 வருட அனுபவமுள்ள சிஇஓ நிர்வாக அதிகாரியைத் தேடுகிறது.

முன் அனுபவம்:

அரசு அல்லது தனியார் துறையில் கல்வித் திட்ட தயாரிப்பு மற்றும் நிர்வாகத்தில் குறைந்தபட்சம் 5 8 ஆண்டுகள் அனுபவம் பெற்றிருக்க வேண்டும்.

கல்வி தகுதி:

• எலக்ட்ரானிக் மீடியா/விசுவல் கம்யூனிகேஷன்/கல்வி தொழில்நுட்ப ஊடகத்தில் பட்டம்.

கூடுதல் தகுதி:

  • எழுத்து மற்றும் பேச்சுத் தமிழ் பற்றிய அறிவு. சிறந்த தகவல் தொடர்பு திறன்.
  • MS Office / G Suit இல் போதுமான அறிவுடன் கணினித் தேர்ச்சி
  • தொழில் வல்லுநர்களின் குறுக்கு-செயல்பாட்டு(cross-functional team) குழுவை வழிநடத்துதல் மற்றும் நிர்வகித்தல்.
  • ஊடக திட்டமிடல் செயல்முறை பற்றிய வலுவான புரிதல், ஊடக வணிக திறன்.
  • விளம்பர வணிக வளர்ச்சி. பாத்திரத்தின் தேவைக்கேற்ப வெவ்வேறு இடங்களுக்குச் செல்ல விருப்பம்.
  • சேனலை நம்பும் அனைத்து அம்சங்களையும் நன்கு அறிந்திருக்க வேண்டும்.
  • கேபிள் ஆபரேட்டர்கள்,MSOS மற்றும் DTHS பிளாட்ஃபார்ம்களுடன் விற்பனைப் பக்கத்துடன் EduTech வீடியோ தயாரிப்பு மேலாண்மை (OR) டிவி சேனல் விநியோகத்தில் அனுபவம் பெற்றிருக்க வேண்டும்.

மேலாண்மை திறன்கள்:

பயனுள்ள தகவல் தொடர்பு, ஒத்துழைப்பு / கூட்டாண்மை, நிறுவன மேம்பாடு மற்றும் திட்டமிடல் உங்கள் அனுபவம் மற்றும் எதிர்பார்க்கப்படும் சம்பளத்தைக் குறிப்பிடவும்.சம்பளம் பேசித் தீர்மானிக்கலாம்.விண்ணப்பத் தகுதியுள்ள விண்ணப்பதாரர்கள் நேர்காணலுக்கு அழைக்கப்படுவார்கள்

இங்கே விண்ணப்பிக்கவும்: https://forms.gle/KPvFRsK5JHwf9gd68 என்று தெரிவிக்கப்பட்டுள்ளது.

#Shocking:பேத்திக்கு பாலியல் தொல்லை;முன்னாள் அமைச்சர் நெஞ்சில் சுட்டு தற்கொலை!

Rajendra Bahuguna

உத்தரகாண்ட் முன்னாள் அமைச்சர் ராஜேந்திர பகுகுணா தனது பேத்திக்கு பாலியல் தொல்லை அளித்ததாக தனது மருமகளால் குற்றம் சாட்டப்பட்டார்,இதனையடுத்து,ராஜேந்திர பகுகுணா மீது போக்சோ சட்டத்தின் கீழ் வழக்குப் பதிவு செய்யப்பட்டது.

இதனிடையே,தனது மாமியாருடன் நடந்து சென்றபோது தன்னை துஷ்பிரயோகம் செய்ததாகவும்,மிரட்டியதாகவும், தாக்கியதாகவும் அண்டை வீட்டாரான சவீதாவின் புகாரின் பேரில் முன்னாள் அமைச்சர் மீது மற்றொரு வழக்கும் பதிவு செய்யப்பட்டுள்ளது.

இந்நிலையில்,தனது வீட்டின் மாடியில் தண்ணீர் தொட்டியின் மீது ஏறி துப்பாக்கியால் நெஞ்சில் சுட்டு தற்கொலை செய்து கொண்டுள்ளார். இந்த சம்பவம் அப்பகுதியினரிடையே பெரும் பரபரப்பை ஏற்படுத்தியுள்ளது.

இது தொடர்பாக,உத்தரகாண்ட் வட்ட அதிகாரி (CO) ஹல்த்வானி பூபிந்தர் சிங் தோனி கூறுகையில்:”தற்கொலை செய்து கொள்வதற்கு முன், பகுகுணா காவல்துறையை அழைத்தார்.உடனே,ஒரு போலீஸ் குழு சம்பவ இடத்திற்கு விரைந்தது, நீண்ட உரையாடலுக்குப் பிறகு, அவரை கீழே இறங்கும்படி சமாதானப்படுத்தியது.ஆனால் அவர் திடீரென்று துப்பாக்கியை எடுத்து மார்பில் தன்னைத்தானே சுட்டுக் கொண்டார். பின்னர் அவர் மருத்துவமனைக்கு கொண்டு செல்லப்பட்டார்.அவரை உயிர்ப்பிக்க பல முயற்சிகள் மேற்கொள்ளப்பட்டன.எனினும்,அவர் உயிரிழந்தார்”,என்று தெரிவித்துள்ளார்.

இதனைத் தொடர்ந்து,முன்னாள் அமைச்சரின் தற்கொலையை தொடர்ந்து அவரது மருமகள் மீது போலீசார் தற்கொலைக்கு தூண்டியதாக வழக்கு பதிவு செய்துள்ளதாக கூறப்படுகிறது.

 

தமிழக வசூலை தெறிக்கவிட்ட டான்.! SK-விற்கு கிடைத்த மிகப்பெரிய வெற்றி.!

நடிகர் சிவகார்த்திகேயன் நடிப்பில் இயக்குனர் சிபி சக்கரவர்த்தி இயக்கத்தில் வெளியான திரைப்படம் “டான்”. இந்த படத்தை லைக்கா நிறுவனமும், சிவகார்த்திகேயனின் தயாரிப்பு நிறுவனம் இணைந்து தயாரித்துள்ளது. படத்திற்கு இசையமைப்பாளர் அனிருத் இசையமைத்திருந்தார்.

இந்த நிலையில், படம் கடந்த மே 13-ஆம் தேதி திரையரங்குகளில் வெளியானது படத்தை பார்த்த அணைத்து ரசிகர்களும் படம் அருமையாக இருப்பதாக தெரிவித்து வருகிறார்கள். ஒரு வாரம் ஆகியும், படத்தை பார்க்க இன்னும் மக்கள் கூட்டம் கூட்டமாக சென்றுகொண்டுதான் இருக்கிறார்கள்.

படம் வெளியான 12 நாட்களிலே உலகம் முழுவதும் 100 கோடி வசூல் செய்திருந்ததாக அறிவிக்கப்பட்டிருந்தது. இந்தநிலையில் , தற்போது தமிழகத்தில் மட்டும் 75 கோடிக்கு மேல் வசூல் செய்துள்ளதாம். இதுவே சிவகார்த்திகேயன் கேரியரில் அதிகம் வசூல் கொடுத்த திரைப்படம் என கூறப்படுகிறது.