இன்று ஐபிஎல் தொடரின் 28- லீக் போட்டியில் கொல்கத்தா நைட் ரைடர்ஸ் அணி- ராயல் சேலஞ்சர்ஸ் பெங்களூர் அணிகள் மோதுகிறது.
ஐபிஎல் தொடரின் 28-வது லீக் போட்டி ஷார்ஜா மைதானத்தில் இன்று நடைபெறவுள்ளது. இந்த போட்டியில் ராயல் சேலஞ்சர்ஸ் பெங்களூர் அணி மற்றும் கொல்கத்தா நைட் ரைடர்ஸ் அணி மோதுகிறது.
கொல்கத்தா அணி இந்த சீசனில் 6 போட்டிகளில் விளையாடி 4 போட்டிகளில் வெற்றிபெற்றுள்ளது. அதைபோல் ராயல் சேலஞ்சர்ஸ் பெங்களூர் அணியும் 6 போட்டிகளில் விளையாடி 4 போட்டியில் வெற்றி பெற்றுள்ளது.
இந்த நிலையில் இதுவரை இந்த இரண்டு அணிகளும் 24 முறை மோதியதில் 10 முறை பெங்களூர் அணியும், 14 முறை கொல்கத்தா அணியும் வெற்றி பெற்றுள்ளது. மேலும் இன்று நடக்கும் இந்த போட்டியில் எந்த அணி வெற்றி பெற போகிறது என்பதை பொருத்திருந்து பார்க்கலாம்.
