த.மா.கா சார்பில் திமுக தேர்தலில் அளித்த வாக்குறுதிகளை நிறைவேற்ற கோரி, சென்னையில் வரும் 17-ம் தேதி தமிழக அரசுக்கு எதிராக கவன ஈர்ப்பு ஆர்ப்பாட்டம்.
தமிழ் மாநில காங்கிரஸ் கட்சி தலைவர் ஜி.கே.வாசன் அவர்கள் சென்னையில் செய்தியாளர்களுக்கு பேட்டியளித்துள்ளார். அப்போது பேசிய அவர், சென்னையில் வரும் 17-ம் தேதி தமிழக அரசுக்கு எதிராக கவன ஈர்ப்பு ஆர்ப்பாட்டத்தில் ஈடுபடவுள்ளதாக தெரிவித்துள்ளார்.
மேலும், இந்த ஆர்பாட்டமானது, திமுக தேர்தலில் அளித்த வாக்குறுதிகளை நிறைவேற்ற கோரி நடத்தவுள்ளதாக தெரிவித்துள்ளார். கடந்த மாதம் அதிமுக சார்பில், தமிழக அரசுக்கு எதிராக தேர்தல் வாக்குறுதிகளை நிறைவேற்றக் கோரி போராட்டத்தில் ஈடுபட்டிருந்தது குறிப்பிடத்தக்கது.
மேலும், உள்ளாட்சி தேர்தலில் யாருடன் கூட்டணி என செய்தியாளர்களுக்கு ஜி.கே.வாசனிடம் கேள்வி எழுப்பினர். அதற்கு உள்ளாட்சி தேர்தல் வரும் போது கூட்டணி குறித்து அறிவிக்கப்படும் என தெரிவித்துள்ளார்.
