ருத்ர தாண்டவம் படத்தின் ட்ரைலர் இன்று வெளியாகவுள்ளது. 

இயக்குனர் மோகன் ஜி இயக்கத்தில் கடந்த ஆண்டு வெளியான திரைப்படம் திரௌபதி. இந்த படத்தின் வெற்றியை தொடர்ந்து அடுத்ததாக இயக்குனர் மோகன் ஜி அடுத்ததாக “ருத்ர தாண்டவம்” என்ற படத்தை இயக்கியுள்ளார். இந்த படத்திலும் நடிகர் ரிச்சர்ட் ரிசி கதாநாயகனாக நடிக்கிறார். அவருக்கு ஜோடியாக குக் வித் கோமாளி மூலம் பிரபலமான தர்ஷா குப்தா நடிக்கிறார்.

மேலும், இயக்குனர் கௌதம் வாசுதேவ் மேனன், ராதாரவி, பாலா, சேசு போன்றோர் முக்கியமான கதாபத்திரத்தில் நடித்துள்ளனர். இந்த படத்தை ஜி.எம். பிலிம் நிறுவனம் தயாரித்துள்ளது மேலும் இசையமைப்பாளர் ஜிபின் இந்த படத்திற்கு இசையமைத்து வருகிறார். 2019- ஆம் ஆண்டு டிசம்பர் மாதம் படத்திற்கான படப்பிடிப்பு தொடங்கப்பட்டு கடந்த மாதம் முடிக்கப்பட்டது.

இந்த நிலையில், இப்படத்தின் டிரைலர் நாளை மாலை 05:06 மணிக்கு வெளியாகும் என்று நேற்று அறிவிக்கப்பட்டிருந்தது. அதன்படி, இன்று வெளியாகவுள்ளது. இதனால் ரசிகர்கள் படத்தின் ட்ரைலருக்காக காத்துள்ளனர்.

பால முருகன்

நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

See Full Bio