இந்திய பங்குச்சந்தை முதன்முறையாக 57 ஆயிரம் புள்ளிகளை தாண்டி வர்த்தகம் செய்யப்படும் நிலையில், ஒரே மாதத்தில் 4 ஆயிரம் புள்ளிகள் உயர்வு.
மும்பை பங்குச்சந்தை சென்செக்ஸ் குறியீட்டு எண் முதன் முறையாக 57 ஆயிரம் புள்ளிகளை தாண்டி புதிய உச்சத்தை எட்டியுள்ளது. மும்பை பங்குசந்தை குறியீட்டு எண் 312.39 (0.55%) புள்ளிகள் உயர்ந்து, 57,202.15 புள்ளிகளாக வர்த்தகம் செய்யப்படுகிறது. இதுபோன்று தேசிய பங்குச்சந்தை நிஃப்டி குறியீட்டு எண் 17 ஆயிரம் புள்ளிகளை கடந்து வர்த்தகம் நடைபெறுகிறது.
தேசிய பங்குச்சந்தை நிஃப்டி குறியீட்டு எண் 102.70 (0.61%) புள்ளிகள் உயர்ந்து, 17,033.75 புள்ளிகள் அதிகரித்து வர்த்தகம் செய்யப்படுகிறது. கடந்த ஆகஸ்ட் மாதத்தில் மட்டும் சென்செஸ் 4 ஆயிரம் புள்ளிகள் அதிகரித்து புதிய சாதனையை படைத்துள்ளது. தேசிய பங்குச்சந்தை நிஃப்டி குறியீட்டு எண் 17 ஆயிரம் புள்ளிகளை தாண்டியதால் முதலீட்டாளர்கள் மகிழ்ச்சியில் உள்ளனர்.
