சியான் விக்ரம் நடிப்பில் உருவாகி வரும் கோப்ரா படத்தினை குறித்த முக்கிய அப்டேட் இன்று மாலை அறிவிக்கப்படவுள்ளதாக தகவல்கள் வெளியாகியுள்ளன.

விக்ரம் தற்போது நடித்து வரும் திரைப்படம் கோப்ரா. இதில் விக்ரம் ஏழு வேடங்களில் நடிக்கவுள்ளார் என்பது குறிப்பிடத்தக்கது. இந்த படத்தினை அஜய் ஞானமுத்து இயக்கி ஏ. ஆர். ரஹ்மான் இசையமைக்கிறார். இப்படத்தில் விக்ரமுக்கு வில்லனாக பிரபல கிரிக்கெட் வீரரான இர்பான் பதான் நடிக்கிறார்.மேலும் வியாகாம் 18 மோஷன் பிக்சர்ஸ் நிறுவனம் இந்த படத்தை தயாரிக்கிறது. சமீபத்தில் இந்த படத்தின் பர்ஸ்ட் லுக் போஸ்ட்ர் வெளியாகி ரசிகர்கள் மத்தியில் பெரும் வரவேற்பைப் பெற்றது.

கொரோனா வைரஸ் காரணமாக தற்காலிகமாக நிறுத்தி வைக்கப்பட்டுள்ள இந்த படத்தில் விக்ரமுக்கு ஜோடியாக ஸ்ரீநிதி ஷெட்டி நடித்துள்ளார். கொரோனா தொற்று முடிவுக்கு வந்ததும் படப்பிடிப்புகள் தொடங்கப்படும் என்று கூறப்படுகிறது. தற்போது ரசிகர்கள் காத்திருக்கும் ஒரே விஷயம் இந்த படத்தினை குறித்த அப்டேட் தான். இந்த நிலையில் தற்போது இந்த படத்தினை குறித்த முக்கிய அப்டேட் ஒன்றை இன்று மாலை படக்குழுவினர் வெளியிட உள்ளதாக சில தகவல்கள் கசிந்துள்ளது. சமீபத்தில் இந்த படத்தின் இயக்குனர் கோப்ரா படத்தின் டீசர் விரைவில் வெளிவரும் என்று கூறியது குறிப்பிடத்தக்கது. இதனால் ரசிகர்கள் பெரிதும் குஷியில் உள்ளனர்.

Ragi

See Full Bio