பெரும் சர்ச்சைகளுக்கு மத்தியில் வெளியாகி ‘தி கேரளா ஸ்டோரி ‘ திரைப்படம் வசூலில் பல கோடிகளை அள்ளி வருகிறது.

சர்ச்சைகள் முதல் தடைகள் வரை அனைத்தையும் தாண்டி திரையரங்குகளில் ஓடிக்கொண்டிருக்கும் ‘தி கேரளா ஸ்டோரி’ திரைப்படம் 200 கோடி கிளப்பில் இணைந்துள்ளது. சுதிப்தோ சென் இயக்கியுள்ள இப்படத்தில் அதா ஷர்மா, சித்தி இத்னானி ஆகியோர் நாயகியாக நடித்துள்ளனர்.

தமிழ்நாடு, கேரளா, மேற்கு வங்கத்தில் இப்படம் நிறுத்திவைக்கப்பட்டிருக்கும் நிலையிலும், வசூலில் சக்கை போடு போட்டு வருகிறது. நேற்று வரை இந்த திரைப்படம் ரூ.198.97 கோடி வசூலித்த நிலையில், இன்று ரூ.200 கோடி வசூல் செய்ததாக தகவல் வெளியாகியுள்ளது.

சர்ச்சையும் எதிர்ப்பும்:

கடும் சர்ச்சை மற்றும் எதிர்ப்புக்கும் மத்தியில் கடந்த 5ம் தேதி தி கேரளா ஸ்டோரி எனும் பாலிவுட் திரைப்படமானது ஹிந்தி, தமிழ், தெலுங்கு , மலையாளம், கன்னடம் என பல்வேறு மொழிகளில் வெளியாகி ‘தி கேரளா ஸ்டோரி’ திரைப்படம் நாடு முழுக்க பெரும் பரபரப்பைக் கிளப்பியது.

இந்த திரைப்படத்தில் இஸ்லாமியர்களை தவறாக சித்தரித்துள்ளதாக கூறி, இஸ்லாமிய அமைப்புகள் மற்றும் பிரபல அரசியல் கட்சிகள் எதிர்ப்பு தெரிவித்தனர். அந்தவகையில், தி கேரளா ஸ்டோரி படத்திற்கு ஒரு சில மாநிலங்கள் வரிவிலக்கை அறிவித்திருந்தன. அதேநேரம் தமிழ்நாடு, கேரளா, மேற்கு வங்கம் உள்ளிட்ட வேறு சில மாநிலங்கள் இந்தப் படத்தை திரையிட தடையும் விதித்திருந்தது.

சர்ச்சைகளுக்கு மத்தியில் தி கேரளா ஸ்டோரி படம் மே 5 அன்று வெளியிடப்பட்டது.மே 16 அன்று, படம் ரூ.150 கோடியை தாண்டியது. 18 ஆம் நாள் பாக்ஸ் ஆபிஸில் படம் ரூ.204.47 கோடியாக உள்ளது.

கெளதம்

நான் கௌதம், வணிகவியல் இளங்கலை பட்டம் முடித்திருக்கிறேன். டிஜிட்டல் செய்தி ஊடகத்தின் மீது ஆர்வம் கொண்ட காரணத்தினால் கடந்த 4 ஆண்டுகளாக தினச்சுவடு ஊடகத்தில் சினிமா, உலக செய்திகள், க்ரைம், லைப் ஸ்டைல், பொதுச் செய்திகள் எழுதிய அனுபவம்.

See Full Bio