நடிகர் விஜய் மேல்முறையீடு மனுவை விசாரணைக்கு பட்டியலிட படித்துறைக்கு உத்தரவு.
வெளிநாட்டில் இருந்து இறக்குமதி செய்யப்பட்ட ‘ரோல்ஸ் ராய்ஸ் கோஸ்ட்’ காருக்கு நுழைவு வரி செலுத்துவதில் இருந்து விலக்கு கேட்டு நடிகர் விஜய் சென்னை உயர் நீதிமன்றத்தில் தாக்கல் செய்த மனு தள்ளுபடி செய்யப்பட்டு அத்துடன் விஜய்க்கு ரூ.1 லட்சம் அபராதம் விதிக்கப்பட்டது.
இதைத்தொடர்ந்து, சொகுசு கார் வரிவிலக்கு தொடர்பானது மேல்முறையீட்டு வழக்கில் தனிநீதிபதியின் தீர்ப்பு நகல் இல்லாமல் விசாரணை பட்டியலிட வேண்டும் என்று நடிகர் விஜய் தரப்பில் கோரிக்கை வைக்கப்பட்டது. 1 லட்சம் அபராதத்தை ரத்து செய்யக் கோரியும், தனி நீதிபதியின் விமர்சனங்களைத் திரும்பப் பெறக் கோரியும் விஜய் மேல்முறையீடு செய்திருந்தார்.
அந்த கோரிக்கையை ஏற்று நடிகர் விஜய் மேல்முறையீடு மனுவை விசாரணைக்கு பட்டியலிட படித்துறைக்கு நீதிபதிகள் உத்தரவு பிறப்பித்துள்ளனர். இதனால், நடிகர் விஜயின் மேல்மேல்முறையீட்டு மனு விரைவில் விசாரணைக்கு வரவுள்ளது.
