33 C
Chennai
Saturday, July 31, 2021

வரலாற்றில் முதல் முறையாக போர் விமானத்துக்கு தலைமை தாங்கிய முதல் பெண்.!

குடியரசு தின விழாவில், இந்தாண்டு விமானப்படை வரலாற்றில் முதல் முறையாக போர் விமானத்தை பெண் விமானி பாவனா காந்த் அணிவகுத்தார்.

நாடு முழுவதும் இன்று குடியரசு தினம் கொண்டாடப்பட்டு வருகிறது. தலைநகர் டெல்லியில் நடைபெறும் குடியரசு தின விழாவில் குறிப்பிட்ட எண்ணிக்கையில் மட்டுமே பார்வையாளர்களுக்கு அனுமதி அளிக்கப்பட்டுள்ளது. ஆண்டுதோறும் குடியரசு தின விழா அணிவகுப்பில், போர் விமானங்கள் பங்கேற்கும், கண்கவரும் சாகச நிகழ்ச்சிகள் அரங்கேறுவது வழக்கம்.

இந்நிலையில், டெல்லியின் ராஜ்பாத்தில் நடைபெற்ற குடியரசு தின அணிவகுப்பில் இந்திய விமானப்படையின் (ஐஏஎஃப்) அணிவகுப்பில் பங்கேற்ற முதல் பெண் போர் விமானியாக விமான லெப்டினன்ட் பவானா காந்த் பெருமை கொள்கிறார். IAF அணிவகுப்பில் ஒளி போர் விமானம், ஒளி போர் ஹெலிகாப்டர் மற்றும் சுகோய் -30 போர் விமானங்கள் இடம்பெற்றது.

குடியரசு தின விழாவில், அணிவகுப்பு கமாண்டராக, லெப்டினன்ட் ஜெனரல் விஜய் குமார் மிஸ்ரா தலைமையேற்று சென்றார். இந்திய விமானப்படையில் போர் விமானங்களில் பணியாற்றும் 3 பெண் விமானிகளில் ஒருவரான பாவனா காந்த், இந்திய விமானப்படையின் அணிவகுப்பில் அணிவகுத்து சென்றார். ‘ஸ்வர்நீம் விஜய் வர்ஷ்’ என்ற தலைப்பில், இந்திய கடற்படை வீரர்கள், அணிவகுப்பில் பங்கேற்றனர்.

பீஹாரின் தர்பங்காவைச் சேர்ந்த பாவனா, மருத்துவ மின்னணுவியல் இன்ஜினியரிங் பட்டதாரி. இவர் கடந்த நவம்பர் 2017-ல் போர் படையில் இணைந்தார். மார்ச் 2018ல் மிக்-21 போர் விமானத்தை இயக்கியுள்ளார். தற்போது அவர் ராஜஸ்தானில் உள்ள ஒரு விமானத் தளத்தில் பணிபுரிந்து வருகிறார். அங்கு அவர் மிக் -21 பைசன் போர் விமானத்தை இயக்கி வருகிறார்.

கடந்த 2016-ஆம் ஆண்டு பாவனா காந்த், அவனி சதுர்வேதி மற்றும் மோகனா சிங் ஆகியோரும் இந்திய விமானப்படையின் முதல் பெண் போர் விமானிகளாக பொறுப்பேற்றனர். 2015-ஆம் ஆண்டில் IAF இன் போர் சோதனைத் திட்டம் அறிமுகப்படுத்தப்பட்ட பின்னர் 10 பெண்கள் போர் விமானிகளாக நியமனம் செய்யப்பட்டது. இவர்களில் பாவனா காந்த், குடியரசு தின விழா போர் அணிவகுத்து, சாகசங்களை நிகழ்த்திய முதல் பெண்ணாக திகழ்கிறார்.

Latest news

Related news