நாட்டுக்காக உயிர்நீத்த ராணுவ வீரர்களின் குடும்பத்திற்கான கருணை தொகையினை 40 லட்சமாக உயர்த்தி அறிவித்துள்ளார் நிதியமைச்சர் பழனிவேல் தியாகராஜன்.
தமிழக பட்ஜெட் கூட்டத்தொடர் தற்போது நடைபெற்று வருகிறது. இந்த பட்ஜெட் கூட்ட தொடரில் தமிழக நிதியமைச்சர் பழனிவேல் தியாகராஜன் 2023-2024 க்கான பட்ஜெட் உரையை வாசித்து வருகிறார்.
பட்ஜெட் 2023-24 :
இதில், மாற்று திறனாளிகளுக்கு ஓய்வூதிய திட்டம், காலை உணவு திட்டம் , சென்னையில் சர்வதேச விளையாட்டு மையம் என பல்வேறு திட்டங்களையும், அதற்கான நிதி ஒதுக்கீட்டையும் நிதியமைச்சர் அறிவித்து வருகிறார் .
ராணுவ வீரர்களின் கருணை தொகை :
இதில், இந்திய நாட்டின் எல்லைகளை பாதுகாக்கும் பணியின் போது, உயிர் தியாகம் செய்த, தமிழ்நாட்டை சேர்ந்த படை வீரர்கள் குடும்பத்திற்கு வழக்கமாக வழங்கப்படும் கருணைத்தொகையானது 20 லட்சம் ரூபாய் ஆகும் .
இந்த கருணை தொகையை தற்போது 40 லட்சமாக உயர்த்தி தமிழ்நாடு நிதியமைச்சர் பழனிவேல் தியாகராஜன் பட்ஜெட் உரையில் அறிவித்துள்ளார்.
