ஃபாஸ்ட் அண்ட் ஃபியூரியஸ் திரைப்படத் தொடரில் பால் வாக்கர் பயன்படுத்திய 1994 டொயோட்டா சுப்ரா 4 கோடிக்கு விற்கப்பட்டு சாதனை படைத்துள்ளது.
ஃபாஸ்ட் அண்ட் ஃபியூரியஸ் திரைப்படமானது ஹாலிவுட்டில் மட்டுமின்றி அனைத்து நாடுகளிலும் பிரபலமானது.மேலும்,இப்படத்தின் 9 வது பாகம் தற்போது பிரமாண்டமாக உருவாக்கப்பட்டு வருகிறது.இந்த படத்தில் நடித்த வின் டீசல் மற்றும் பால் வாக்கர் ஆகியோர் மக்கள் மத்தியில் மிகவும் பிரபலமானவர்களாக உள்ளனர்.இதற்கிடையில்,கடந்த நவம்பர் 30, 2013 இல் பால் வாக்கர் கார் விபத்தில் உயிரிழந்தார்.
இந்நிலையில்,அமெரிக்காவின் லாஸ் வேகாஸில் உள்ள பாரெட்-ஜாக்சன் ஏல இல்லத்தால் வாக்கர் பயன்படுத்திய 1994 மாடல் டொயோட்டா சுப்ரா காரானது 550,000 டாலர்(இந்திய மதிப்பில் ரூ.4 கோடி)க்கு விற்கப்பட்டு சாதனை படைத்துள்ளது.
இந்த டொயோட்டா சுப்ரா,2001 இல் ‘தி ஃபாஸ்ட் அண்ட் த ஃபியூரியஸ்’ திரைப்படத்திலும், 2003 இல் ‘ஃபாஸ்ட் 2 ஃபியூரியஸ்’ படத்திலும் இடம்பெற்றது.
டொயோட்டா சுப்ரா ஒரு புகழ்பெற்ற 2JZ-GTE டர்போசார்ஜ் செய்யப்பட்ட 3.0 லிட்டர் இன்லைன்-ஆறு சிலிண்டர் எஞ்சின் மூலம் சக்தி அளிக்கிறது, இது 4-ஸ்பீடு ஆட்டோமேட்டிக் டிரான்ஸ்மிஷன் என்றாலும் பின்புற சக்கரங்களுக்கும் அதன் சக்தியை அனுப்புகிறது.மேலும்,வாகனத்தில் எந்த மாற்றங்களும் செய்யப்படாமல் திரைப்படங்களில் பயன்படுத்தியது போன்று அப்படியே விற்பனைக்கு வைக்கப்பட்டு தற்போது அதிக விலைக்கு விற்று சாதனை படைத்துள்ளது.
SOLD! The “10-second car” has crossed the block selling for a record-breaking $550,000! Driven by actor @RealPaulWalker and featured in two of “The Fast and Furious” films, this 1994 #ToyotaSupra proved to be an icon of car culture. @TheFastSaga @Toyota #Supra pic.twitter.com/GNJnGh0AmL
— Barrett-Jackson (@Barrett_Jackson) June 20, 2021
இந்த காரானது முதல் திரைப்படத்திற்காக கலிபோர்னியாவின் எல் செகுண்டோவில் உள்ள தி ஷார்க் ஷாப்பில் எடி பால் என்பவரால் ஸ்போர்ட்ஸ் காராக உருவாக்கப்பட்டது. பின்னர் இது லம்போகினி டையப்லோ கேண்டி ஆரஞ்சு நிறத்தில் புகழ்பெற்ற டிராய் லீ வடிவமைத்த ‘நியூக்ளியர் கிளாடியேட்டர்’ உடன் உண்மையான வடிவத்திற்கு மாற்றப்பட்டது என்பது குறிப்பிடத்தக்கது.
