- தளபதி விஜய் நடிப்பில் மாஸ்டர் படத்தை தொடர்ந்து அவரது 65ஆவது திரைப்படம் தயாராக உள்ளது.
- இந்த படத்தை சன் பிக்சர்ஸ் தயாரிக்க உள்ளது. இப்படத்தை ஏ.ஆர்.முருகதாஸ் இயக்க அதிக வாய்ப்புள்ளதாம்.
தளபதி விஜய் தற்போது லோகேஷ் கனகராஜ் இயக்கத்தின் அவரது 64வது திரைப்படமான மாஸ்டர் படத்தில் நடித்து வருகிறார். இந்த படம் கோடை விடுமுறைக்கு வெளியாக உள்ளது. இப்படத்தின் சூட்டிங் பிப்ரவரி மாதம் முடிந்து விடும். அதற்கடுத்ததாக தளபதி விஜய் அவரது 65 வது படத்தில் நடிக்க உள்ளார்.
இந்த படத்திற்காக அவர் வெற்றிமாறன், மகிழ்திருமேனி, அருண்ராஜா காமராஜ் உள்ளிட்டோரிடம் கதை கேட்டு வந்தார். ஆனால், வெற்றிமாறன் மற்றும் மகிழ்திருமேனி வேறு படங்களில் கமிட் ஆகியுள்ளதால், அவர்களால் தளபதி விஜய்யின் படத்தை தற்போது இயக்க இயலாத சூழல் உருவாகியுள்ளது.
தற்போது தர்பார் படத்தை முடித்துவிட்டு ஏ.ஆர்.முருகதாஸ் புதிய கதை விவாதத்தில் ஈடுபட்டு உள்ளார். ஒருவேளை ஏ.ஆர்.முருகதாஸ் அடுத்தது தளபதி விஜய்யின் படத்தை இயக்க அதிக வாய்ப்புள்ளது என கூறப்படுகிறது. இது துப்பாக்கி படத்தின் இரண்டாம் பாகமாக இருக்கலாம். ஆனால், துப்பாக்கி2 என தலைப்பு மட்டும் கிடையாதாம்.
அந்த தலைப்பு கலைப்புலி எஸ்.தாணுவிடம் உள்ளது. இந்த தளபதி-65 திரைப் படத்தை சன் பிக்சர்ஸ் தான் தயாரிக்க உள்ளதாக தகவல் வெளியாகி உள்ளது. இப்படத்தின் அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
