தமிழகத்தில் கொரோனா பரவல் காரணமாக மருத்துவர்கள், செவிலியர்கள், தூய்மை பணியாளர்கள் என்று பலரும் வேலை பார்த்து வருகின்றனர். இதில், இளம் மருத்துவர்களின் இழப்பு சோகத்தை ஏற்படுத்தியுள்ளது. மேலும் கொரோனா பணியில் ஈடுபட்டு இறக்கும் தூய்மை பணியாளர்களுக்கு அரசு வேலை வழங்குவதை குறித்து தமிழக அரசு முடிவெடுக்கலாம் என்று உயர்நீதிமன்றம் தெரிவித்துள்ளது.
மருத்துவர்கள், செவிலியர்கள், தூய்மை பணியாளர்களுக்கு இழப்பீடு வழங்குவதை குறித்த வழக்கு உயர்நீதிமன்றத்தில் இன்று விசாரணைக்கு வந்துள்ளது. கொரோனா பணியில் ஈடுபட்டு கொரோனா பாதிக்கப்பட்ட மருத்துவர்கள், செவிலியர்கள், தூய்மை பணியாளர்களுக்கு சிகிச்சை அளிக்கப்பட்டு வருவதாகவும், இதனால் இறந்தவர்களின் குடும்பத்திற்கு இழப்பீடு வழங்கி வருவதாகவும் தமிழக அரசு கூறியுள்ளது.
அப்போது, உயர்நீதிமன்றம் இழப்பீடு வழங்குவதோடு, கொரோனாவால் இறந்த தூய்மை பணியாளர்களின் குடும்பத்தில் ஒருவருக்கு அரசு வேலை வழங்க தமிழக அரசு முடிவெடுக்கலாம் என்றும் இதன் விதிமுறைகளை தமிழக அரசே மேற்கொள்ளலாம் என்றும் உயர்நீதிமன்ற நீதிபதிகள் தெரிவித்துள்ளனர்.
