tamilnews

நாகை வருவாய் கோட்டத்தில் உள்ள அனைத்து பள்ளிகளுக்கும் இன்று  விடுமுறை அளிக்கப்பட்டுள்ளது. தமிழகத்தை மிரட்டி சென்ற கஜா தனது கோரத்தை காண்பித்து 4 மாவட்டங்கள் உட்பட தமிழகத்தில் அனைத்து மாவட்டங்களிலும் சுழன்று சூறைக்காற்றால் சேதத்தை ஏற்படுத்தியுள்ளது.இந்த புயல் வீடுகள்,கால்நடைகள்,மனித உயிரிகளும் மற்றும் மரங்களும் பலத்த சேதமடைந்தது. தற்போது சீரமைப்பு பணிகள் தீவிரமாக நடைபெற்று வருகிறது.இந்நிலையில் நாகை வருவாய் கோட்டத்தில் உள்ள அனைத்து பள்ளிகளுக்கும் இன்று விடுமுறை என்று அம்மாவட்ட ஆட்சியர் அறிவிப்பு வெளியிட்டுள்ளார்.  

இன்று சட்டக்கல்லூரிகளில் நடைபெறவிருந்த தேர்வுகள் அனைத்தும் ஒத்திவைக்கப்படுகிறது என்று  சட்டப்பல்கலைகழக துணை வேந்தர் தெரிவித்துள்ளார். இது தொடர்பாக சட்டப்பல்கலைகழக துணை வேந்தர் கூறுகையில், கனமழை காரணமாக சென்னை சீர்மிகு சட்டப்பள்ளி, தமிழகம் முழுவதும் உள்ள சட்டக்கல்லூரிகளில் இன்று  நடைபெறவிருந்த தேர்வுகள் அனைத்தும் ஒத்திவைக்கப்படுகிறது .ஒத்திவைக்கப்பட்ட தேர்வுகளின் தேதி பின்னர் அறிவிக்கப்படும் என்றும் சட்டப்பல்கலைகழக துணை வேந்தர் தெரிவித்துள்ளார்.