சிறுபான்மையினருக்கு எதிரான கட்சி பா.ஜ.க  அல்ல…. அண்ணாமலை பேச்சு…

சிறுபான்மையினருக்கு எதிரான கட்சி பா.ஜ.க  என தமிழக கட்சிகள் பொய்ப் பிரசாரம்  என பாரதிய ஜனதா மாநில துணைத்தலைவர் அண்ணாமலை பேச்சு.

திண்டுக்கல் மாவட்டம் பழநியில் பாரதிய ஜனதா மாநில துணைத்தலைவர் அண்ணாமலை செய்தியாளர்களிடம், அ.தி.மு.க., கொள்கைகள் பலவற்றுடன் பா.ஜ.க.வுக்கு கருத்து ஒற்றுமை உள்ளது. தமிழகத்தில் 65 தொகுதிகளில் வெற்றி வாய்ப்பை நிர்ணயிக்கும் சக்தியாக பா.ஜ.க உள்ளது என, மாநிலத்தலைவர் முருகன் தெரிவித்தது தவறாக புரிந்து கொள்ளப்பட்டது என்றார்.மேலும், மாற்றுத்திறனாளிகள் குறித்து தொடர்பாக நடிகை குஷ்பு மன்னிப்பு கேட்டுள்ளார். அண்ணா பல்கலை மாற்றம் விஷயத்தில் கட்சிகள் தேவையில்லாமல் அரசியல் செய்கின்றன. கன்னியாகுமரி லோக்சபா இடைத்தேர்தலில் பா.ஜ.க போட்டியிடுவதை தலைமை முடிவு செய்யும். பழநி சட்டசபை தொகுதி பா.ஜ.க. வுக்கு சாதகமாக மாறியுள்ளதால் இங்கு போட்டியிட முயற்சிப்போம்.

தற்போது அரசால் அறிவிக்கப்படும் மத்திய அரசு திட்டங்கள் அனைத்தும் தனிமனிதனின் வாழ்க்கையை மாற்றக்கூடியது. சிறுபான்மையினருக்கு எதிரான கட்சி பா.ஜ.க  என தமிழக கட்சிகள் பொய்ப் பிரசாரம் செய்தன. தற்போது சிறுபான்மை மக்கள் வசிக்கும் பகுதியில் மேம்பாடு ஏற்படுவதால் அதன் உண்மையை உணர்ந்து அதிகளவில் அவர்கள் பா.ஜ.க.வில் சேர்ந்துள்ளனர் என்றார்.

Exit mobile version