பாலா இயக்கத்தில் அதர்வா நடிக்கும் படத்தை நடிகர் சூர்யா தயாரிக்கவுள்ளதாக தகவல்கள் கசிந்துள்ளது.
இயக்குனர் சற்குணம் இயக்கத்தில் நடிகர் அதர்வா தற்போது ஒரு புதிய திரைப்படத்தில் நடித்து வருகிறார். இந்த படத்திற்கான படப்பிடிப்பு நேற்று தொடங்கப்பட்டது. இந்த படத்தில் அதர்வாவுடன் முன்னணி நடிகரான ராஜ் கிரணும், முன்னணி நடிகையான ராதிகாவும் முக்கியமான கதாபாத்திரத்தில் நடிக்கின்றார்.
அதர்வாவிற்கு ஜோடியாக பிரபல நடிகையான ஆஷிகா ரங்கநாத் நடித்து வருகிறார். இந்த திரைப்படத்தின் படப்பிடிப்பை முடித்துவிட்டு. அடுத்த மாதம் தனது அடுத்த படத்தில் நடிக்கவுள்ளதாக தகவல்கள் வெளியாகிய வண்ணம் உள்ளது.
அடுத்ததாக நடிகர் அதர்வா இயக்குனர் பாலா இயக்கத்தில் ஒரு திரைப்படம் நடிக்கவுள்ளதாகவும், படத்தில் அவருக்கு ஜோடியாக நடிகை கீர்த்தி சுரேஷ் நடிப்பது உறுதி செய்யப்பட்டதாகவும், தகவல்கள் பரவி வந்தது.
இந்த நிலையில், தற்போது பாலா – அதர்வா கூட்டணியில் உருவாகும் படத்தை பிரபல நடிகரான சூர்யா தனது 2D நிறுவனம் சார்பில் தயாரிக்கவுள்ளதாக தகவல்கள் பரவி வருகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
இயக்குனர் பாலா இயக்கத்தில் நடிகர் அதர்வா பரதேசி என்ற படத்தில் நடித்திருந்தார். படத்தில் அவர் நடித்ததற்கு பல தரப்பிலிருந்து பாராட்டுக்கள் குவிந்தது.இந்த நிலையில், மீண்டும் பாலா இயக்கத்தில் அதர்வா நடிப்பது உறுதியாகி விட்டால் ரசிகர்களுக்கு செம விருந்தாக அமையும் என்பதில் சந்தேகமே இல்லை. இதற்கான அறிவிப்பு வெளியாகுமா என்பதை பொறுத்திருந்து பார்ப்போம் .
