சிறுத்தை சிவா – சூர்யா இணையும் புதிய படத்திற்கு டி.இமான் வேண்டாம் அனிருத் போல இளம் இசையமைப்பாளரை களமிறக்க படக்குழு திட்டமிட்டுள்ளதாம்.
ஒரு படத்தின் வெற்றியை பொறுத்து தான் ஒரு இயக்குனர் அல்லது நடிகரின் அதிகாரமும் சினிமாவில் இருக்கும் போல. அப்படி தான் நடக்கிறது சிறுத்தை சிவா விஷயத்தில். அண்ணாத்த திரைப்படத்தினை தொடர்ந்து சிறுத்தை சிவா சூர்யாவை இயக்க ஆயத்தமாகி வருகிறார்.
அண்ணாத்த திரைப்படம் எதிர்பார்த்த வெற்றியை அடையவில்லை. அதனால், அடுத்த படத்தை எப்படியும் மெகா ஹிட்டாக மாற்றிவிட வேண்டும் என வேலை செய்து வருகிறார் சிறுத்தை சிவா. சிவாவின் சமீபத்திய படங்களில் டி.இமான் தான் இசையமைப்பாளர்.
அதே போல இந்த படத்திற்கும் அவரையே சிபாரிசு செய்துள்ளார் சிவா. ஆனால், படக்குழு டி.இமான் வேண்டாம். அனிருத் போல இளம் இசையமைப்பாளர்களை களமிறக்குங்கள் அப்போது தான் படத்திற்கு நல்ல கமர்சியல் வியாபாரம் கிடைக்கும் என கூறிவருகின்றனர்.
அனிருத் தான் படக்குழுவின் முதல் சாய்ஸ். ஆனால், அனிருத்தின் கால்ஷீட் தற்போதைக்கு கிடைப்பது கடினம் என்கிறது சினிமா வட்டாரம். இப்படத்தின் படப்பிடிப்பு பிப்ரவரி அல்லது மார்ச் மாதம் தொடங்கும் என கூறப்படுகிறது.
