பூஜா ஹெகிடே தனது ட்விட்டர் பக்கத்தில் நடிகை சமந்தாவை அழகில்லை என்று கூறியதால் ரசிகர்கள் மன்னிப்பு கேட்க கூறியுள்ளனர் .

தெலுங்கு மற்றும் இந்தி திரையுலகில் பிஸியாக நடித்து வருபவர் பூஜா ஹெக்டே. இவர் மிஷ்கின் இயக்கத்தில் ஜீவாவிற்கு ஜோடியாக முகமூடி படத்தில் நடித்ததன் மூலம் தமிழ் சினிமாவில் அறிமுகமானவர். அதனையடுத்து தமிழில் அதிகம் வாய்ப்பு கிடைக்காத இவர் தெலுங்கில் தாவி விட்டார். தற்போது இவர் முன்னணி நடிகர்களான மகேஷ் பாபு, அல்லு அர்ஜுன் உள்ளிட்டவர்களுடன் நடித்து முன்னணி நடிகையாக வலம் வருகிபக்கம் றார். மேலும் பூஜா சல்மான்கானுடன் கபி ஈத் காபி என்ற இந்தி படத்தில் நடித்து வந்தார். ஆனால் ஊரடங்கு காரணமாக படப்பிடிப்புகள் ரத்து செய்யப்பட்டுள்ளது. 

 

இந்த நிலையில் இவரது இன்ஸ்டாகிராம் ஸ்டோரியில் சமந்தாவின் புகைப்படம் ஒன்றை பதிவிட்டு “இவர் எனக்கு அழகாக தெரியவில்லை” என்று குறிப்பிட்டிருந்தார். இது சினிமா வட்டாரத்தில் பெரும் சர்ச்சையை ஏற்படுத்தியது. அதனையடுத்து ஒரு சில நிமிடங்களில் பூஜா ஹெக்டே தனது இன்ஸ்டாகிராம் பக்கம் ஹேக் செய்யப்பட்டதாக கூறியிருந்தார். ஏற்கனவே இவரது சமூக வலைத்தள பக்கம் இரண்டு முறை ஹேக் செய்யப்பட்டது குறிப்பிடத்தக்கது. அதனை தொடர்ந்து சமந்தா ரசிகர்கள் எப்படி ஹேக் செய்யப்பட்ட ஒரு மணி நேரத்தில் சரியாகும் என்று கேள்வி எழுப்பி வருகின்றனர். மேலும் அவர்கள் #PoojaMustApologizeSamantha என்ற ஹேஷ்டேக்கை பயன்படுத்தி மன்னிப்பு கேட்க வேண்டும் என்று கூறி அதனை இந்திய அளவில் டிரெண்டாக்கி வருகின்றனர்.