ராக்கி படத்தை இயக்குனர் அருண் மாதேஷ் வரண் அடுத்ததாக சாணிக்காயிதம் என்ற படத்தை இயக்கியுள்ளார். இந்த படத்தில் செல்வராகவன் – கீர்த்தி சுரேஷ் நடித்துள்ளனர். இந்த படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். கடந்த ஆண்டு படத்திலிருந்து வெளியான போஸ்டர்கள் ரசிகர்களுக்கு மத்தியில் நல்ல விமர்சனத்தை பெற்று எதிர்பார்ப்பை அதிகமாக்கியது.
கடந்த ஆண்டே இந்த திரைப்படம் நேரடியாக அமேசான் பிரேமில் வெளியாகும் என தேதி அறிவிக்கப்படாமல் அறிவிக்கப்பட்டது. இந்த நிலையில், தற்போது சாணி காயிதம் படம் வெளியாகும் தேதி குறித்த தகவல் கிடைத்துள்ளது அதன்படி, இப்படம் வரும் 25-ஆம் தேதி அல்லது ஏப்ரல் 1-ஆம் தேதி நேரடியாக அமேசான் பிரேமில் வெளியாகும் என கூறப்படுகிறது.
செல்வராகவன் இயக்கும் திரைப்படமே ரசிகர்களுக்கு மிகவும் பிடிக்கும். இது அவர் நடிக்கும் முதல் திரைப்படம் கண்டிப்பாக கதை அருமையாக இருக்கும் என்பதால் ரசிகர்கள் படத்தை பார்க்க மிகவும் ஆர்வத்துடன் எதிர்பார்த்து காத்துள்ளார்கள். விரைவில் படத்தின் ரிலீஸ் தேதி குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
