5000 Mah பேட்டரி, 64 MP கேமரா.. தெறிக்கவிடும் ரியல்மி 7! விலை என்ன தெரியுமா?

Posted on September 4, 2020 by Surya

தொடர்ச்சியாக குறைந்த பட்ஜேட்டில் டாப்பு டக்கரூ போன்களை வெளியிட்டு வரும் ரியல்மி நிறுவனம், தற்பொழுது தனது புதிய ரியல்மி 7, 7 ப்ரோ ரக மொபைல்களை வெளியிட்டுள்ளது.

சீனா நாட்டின் ஸ்மார்ட்போன் நிறுவனமான ரியல்மி, சமீபத்தில் தனது ரியல்மி 6, 6 ப்ரோ ஆகிய போன்களை வெளியிட்டது. இந்த வகையான மொபைல்கள் வெளியாக 6 மாதகாலங்கள் ஆன நிலையில், தற்பொழுது ரியல்மி 7, 7 ப்ரோ மொபைல்களை நேற்று வெளியிட்டனர்.

இந்த மொபைல், ஒன்பிளஸ் நார்டு, போக்கோ X2, ஆகிய மொபலைக்கு காம்படிட்டராக கொண்டுவரப்பட்டது. மேலும், அந்த மொபைகள், இந்திய சந்தையில் நல்ல வரவேற்பை பெற்றது. இந்த ரியல்மி 7, வரும் செப்டம்பர் மாதம் 10- ம் தேதி பிளிப்கார்ட் வலைத்தளத்தில் நண்பகல் 12 மணிக்கு விற்பனைக்கு வரும் என தெரிவிக்கப்பட்டுள்ளது.

ரியல்மி 7 விபரங்கள்:

டிஸ்பிலே:

ரியல்மி 7 மொபைலில் 6.55 அங்குல FHD + LCD டிஸ்ப்ளே உள்ளது. இந்த டிஸ்ப்ளே 90Hz Refreshing rate -ஐ கொண்டது. மேலும், இது பிளாஸ்டிக் ஐ போல “கிளாஸ்டிக்” எனப்படும் ஒருவகையான பிளாஸ்டிக்கால் பில்ட் செய்யப்பட்டுள்ளது. மேலும், இதில் கார்னரின்க் கொரில்லா கிளாஸ் 3 பாதுகாப்பு அம்சத்தை கொண்டது.

கேமரா:

ரியல்மி 7 பின்புறத்தில் நான்கு கேமராக்கள் உள்ளன. முதன்மை கேமராவில் 64 மெகாபிக்சல் சோனி ஐஎம்எக்ஸ் 682 சென்சார் உள்ளது. மேலும், 8 மெகாபிக்சல் f 1:8 விகிதம் வைட் கேமரா, 2 மெகாபிக்சல் black and white போர்ட்ரைட் சென்சார், 2 மெகா பிக்சல் மேக்ரோ கேமரா செட்டப்பை கொண்டுள்ளது. இதில் 10X வரை ஜூம் செய்து போட்டோ எடுக்கலாம். செல்பி கேமராவை பொறுத்தளவில், 16 மெகாபிக்சல் புன்க்சுவல் கேமரா. இதில் பேக்ரவுண்ட் ப்ளர், நைட் மோட் போன்ற பல சிறப்பம்சங்கள் உள்ளது.

பேட்டரி:

பேட்டரியை பொறுத்தளவில், 5000 Mah பேட்டரி உள்ளது. அதனை சார்ஜ் செய்ய 30W டார்ட் ஃபாஸ்ட் சார்ஜிங் வசதியுடன் வருகிறது. இது, 26 நிமிடங்களில் 50 சதவீத சார்ஜ் ஆகும் என அந்நிறுவனம் தெரிவித்துள்ளது. ரியல்மி 6 ரக மாடலில் 4300 Mah பேட்டரி இருந்தது கூறிப்பிடத்தக்கது.

இதர அம்சங்கள்:

ரியல்மி 7, ஆண்ட்ராய்டு 10 ரியல்மி UI os-ல் இயங்குகிறது. இது, மீடியாடேக் ஹெலியோ G95 ப்ராஸசரை கொண்டுள்ளது. இது உலகின் முதல் G95 மொபைல் என அந்நிறுவனம் தெரிவித்து வருகிறது. 4 ஜி LTE, வைஃபை 6, புளூடூத் v5.1, ஜிபிஎஸ் / ஏ-ஜிபிஎஸ், என்எப்சி மற்றும் யூ.எஸ்.பி டைப்-சி போர்ட்கள் ஆகியவை உள்ளன. மேலும், டூயல் ஸ்டீரியோ ஸ்பீக்கர்களை கொண்டுள்ளது. இதன் சார் மதிப்பெண், தலைக்கு 0.990 வும், பாடிக்கு 0.934 நதிப்பெண்ணையும் கொண்டுள்ளது.