தெலுங்கு சினிமாவில் உருவாகியுள்ள அடுத்த பிரமாண்டம் சைரா நரசிம்ம ரெட்டி. இந்த படத்தை சுரேந்தர் ரெட்டி இயக்கியுள்ளார். மெகாஸ்டார் சிரஞ்சீவி நாயகனாக நடித்துள்ளார். விஜய் சேதுபதி, அமிதாப் பச்சன், நயன்தாரா, தமன்னா, என பலர் நடித்துள்ளனர். சிரஞ்சீவியின் மகனும், தெலுங்கு முன்னணி நடிகருமான ராம் சரண் இப்படத்தை தயாரித்துள்ளார்.

இன்று இப்படத்தின் பத்திரிக்கையாளர் சந்திப்பு, இன்று சென்னையில் நடைபெற்றது. அதில் சிரஞ்சீவி, ரேம் சரண், தமன்னா, மதன் கார்க்கி, இயக்குனர் மோகன் ராஜா என பல திரைபிரபலங்கள் கலந்துகொண்டனர்.

இதில் பேசிய தயாரிப்பாளர் ராம் சரண் படக்குழுவினரை புகழ்ந்து பேசினார். அடுத்து விஜய் சேதுபதியின் சூப்பர் டீலக்ஸ் மற்றும் 96 படமும் மிகவும் பிடிக்கும் எனவும், 96 படத்தின் க்ளைமேக்சில் விஜய் சேதுபதி அருமையாக நடித்திருந்தார் எனவும் குறிப்பிட்டார்.

இப்படத்தில் சிரஞ்செவிக்கு அரவிந்த் சாமி குரல் கொடுத்ததை சுட்டிக்காட்டினார். மேலும் அவர் 2 நாளில் டப்பிங் பணியை சிறப்பாக செய்திருந்தார் என கூறினார். இதனூடே, உலகநாயகன் கமல்ஹாசன் இதில் மூன்று நிமிடம் படத்தின் தொடக்கத்தில் பேசியிருப்பார் என கூடுதல் தகவலை தெரிவித்தார்.

மணிகண்டன்

நான் மணிகண்டன், இளங்கலை பொறியியல் பட்டதாரியான நான் , கடந்த 4 ஆண்டுகளாக தினச்சுவடு டிஜிட்டல் ஊடகத்தில் பணியாற்றி வருகிறேன். அரசியல், சினிமா, விளையாட்டு மற்றும் உலக செய்திகள் ஆகியவற்றை எழுதி வருகிறேன்.

See Full Bio