மறைந்த முதல்வர் ஜெயலலிதா அவர்களின் 73வது பிறந்தநாள் இன்று கொண்டாடப்படும் நிலையில், பிரதமர் மோடி அவர்கள் ஜெயலலிதாவை புகழ்ந்து ட்விட்டர் பதிவு ஒன்றை வெளியிட்டுள்ளார்.
மறைந்த தமிழக முதல்வர் ஜெயலலிதா அவர்களின் 73-வது பிறந்த நாள் இன்று கொண்டாடப்படுகிறது. இவரது பிறந்த நாளிற்காக அதிமுக தலைவர்கள் மற்றும் தொண்டர்கள் பல்வேறு இடங்களில் ஜெயலலிதாவின் புகைப்படத்திற்கு மாலை அணிவித்து மரியாதை செலுத்தி வரும் நிலையில், பல்வேறு தலைவர்களும் அவரது பிறந்தநாளுக்கு வாழ்த்து தெரிவித்து புகழாரம் சூட்டி வருகின்றனர்.
இந்நிலையில், பிரதமர் மோடி அவர்களும் தனது ட்விட்டர் பக்கத்தில் ஜெயலலிதாவின் பிறந்தநாளுக்கு வாழ்த்து தெரிவித்து பதிவு ஒன்றை வெளியிட்டுள்ளார். அதில் பெண்களின் அதிகாரத்திற்காக தனது பங்களிப்பைச் செலுத்தியவர் ஜெயலலிதா எனவும், ஒடுக்கப்பட்ட மக்களின் முன்னேற்றுவதற்காக உழைத்தவர் எனவும் ஜெயலலிதாவை புகழ்ந்து உள்ள அவர், ஜெயலலிதாவுடனான கலந்துரையாடல்கள் என்றும் தன் மனதில் நீங்கா இடம் பிடித்துள்ளது எனவும் கூறியுள்ளார். இதோ அந்த பதிவு,
Remembering Jayalalithaa Ji on her birth anniversary. She is widely admired for her pro-people policies and efforts to empower the downtrodden. She also made noteworthy efforts to empower our Nari Shakti. I will always cherish my several interactions with her. pic.twitter.com/nyV3xz1Lb8
— Narendra Modi (@narendramodi) February 24, 2021
