பிரதமர் மோடி விமானத்தில் பயணித்த போது, தான் கொண்டு சென்ற கோப்புகளை எடுத்து பார்த்து, ஆய்வு செய்யும் புகைப்படம் இணையத்தில் வைரலாகி வருகிறது.
நீண்ட நாட்களுக்குப் பிறகு பிரதமர் மோடி அவர்கள் டெல்லியில் இருந்து 4 நாட்கள் பயணமாக அமெரிக்கா புறப்பட்டார். அங்கு இன்று முக்கிய தொழிலதிபர்களை சந்தித்து ஆலோசனை நடத்த உள்ளார். அப்போது ஆப்பிள் தலைமை செயல் அதிகாரியும் சந்தித்து பேச உள்ளார்.
அதனைத் தொடர்ந்து வெள்ளை மாளிகையில் 24-ஆம் தேதி அதிபர் ஜோ பைடன் சந்தித்து, அவருடன் ஆப்கானிஸ்தான் விவகாரம், பருவநிலை மாற்றம் உள்ளிட்டவை குறித்து விவாதிக்க உள்ளார். பின், அமெரிக்கா, இந்தியா ,ஜப்பான் ,ஆஸ்திரேலியா ஆகிய நான்கு நாடுகள் கொண்ட QUAD கூட்டத்தில் பிரதமர் நரேந்திர மோடி கலந்து கொள்கிறார்.அதனை தொடர்ந்து, நியூயார்க் செல்லும் மோடி, 25ஆம் தேதி ஐநா சபையின் பொதுக்கூட்டத்தில் கலந்துகொண்டு உரையாற்றுகிறார்.
இந்நிலையில், பிரதமர் மோடி விமானத்தில் பயணித்த போது, தான் கொண்டு சென்ற கோப்புகளை எடுத்து பார்த்து, ஆய்வு செய்தவாறு உள்ள புகைப்படம் இணையத்தில் வைரலாகி வருகிறது.
