மீண்டும் சல்மான்கானை இயக்க உள்ள பிரபு தேவா! லிஸ்டில் இருக்கும் தமிழ் படங்கள் எப்போது ரிலீஸ் ஆகுமோ?!
மீண்டும் சல்மான்கானை இயக்க உள்ள பிரபு தேவா! லிஸ்டில் இருக்கும் தமிழ் படங்கள் எப்போது ரிலீஸ் ஆகுமோ?!
தமிழ் சினிமாவில் நடிகர், நடன இயக்குனர், இந்திய அளவில் நம்பகத்தகுந்த கமர்சியல் இயக்குனர் என பன்முகம் கொண்டவர் பிரபு தேவா. இவர் தமிழில் போக்கிரி, வில்லு, வெடி போன்ற படங்களையும், ஹிந்தியில் வாண்ட்டட், ரவுடி ரத்தோர், சிங் இஸ் பிலிங் ஆகிய படங்களை இயக்கினார்.
தற்போது மீண்டும் பாலிவுட் பக்கம் தனது இயக்கத்தினை தொடங்கி உள்ளார். பாலிவுட் முன்னணி நடிகர் சல்மான்கானை ஹீரோவாக வைத்து தபாங் 3 படத்தை இயக்கி வருகிறார். இந்த படம் டிசம்பர் 20 வெளியாக உள்ளது. தமிழிலும் இப்படம் டப் செய்யப்பட்டு ரிலீஸ் ஆக உள்ளது.
மீண்டும் சல்மான் கானிடம் பிரபுதேவா ஒரு கதை கூறி ஓகே வாங்கிவிட்டாராம். அதனால் மீண்டும் ஒரு ஹிந்தி படத்தினை இயக்க உள்ளாராம்.
இதனால் அவர் நடிப்பில் தமிழில் பாதியில் இருக்கும் யங் மங் சங், பொன்மாணிக்கவேல், தேள் ஆகிய படங்கள் எப்போது தயாராகி வெளியாகும் என படக்குழு யோசித்து வருகிறது.
