மைசூரு பல்கலைக்கழகத்தில் பயின்ற பாடங்களில் அதிக அளவு மதிப்பெண் பெற்று 20 தங்கப்பதக்கங்களை பெற்று சாதனை படைத்துள்ளார்.
மைசூரு பல்கலைக்கழகத்தில் தற்போது 101 ஆவது பட்டமளிப்பு விழா நடைபெற்றுள்ளது. இந்த விழாவில் மாணவ, மாணவிகளுக்கு கவர்னர் தாவர்சந்த் கெலாட் பட்டங்களை வழங்கியுள்ளார். இந்த பல்கலைக்கழகத்தில் படித்த சைத்ரா நாராயண் என்ற மாணவி பல்வேறு பாடங்களில் அதிக மதிப்பெண் பெற்று 20 தங்கப்பதக்கங்களை வென்று சாதனை அடைந்துள்ளார்.
கர்நாடகா மாநிலம் உத்தரகண்டா மாவட்டத்தில் உள்ள சிர்சி என்ற பகுதிக்கு அருகில் உள்ள சிறிய கிராமத்தை சேர்ந்தவர் சைத்ரா நாராயண். இவரது கிராமத்திற்கு மொத்தமாகவே இரண்டு பேருந்துகள் மட்டுமே வருகிறது. காலை ஒன்றும் மாலை ஒன்றும் வருகிறது. இந்த பேருந்தை பயன்படுத்தி பல்கலைக்கழகத்தில் படித்து வரும் இந்த மாணவி மிக ஏழ்மையான குடும்பத்தை சேர்ந்தவர்.
இந்நிலையில் இவர் அந்த பல்கலைக்கழகத்தில் இளங்கலை, முதுகலை வேதியியல் பட்ட படிப்பை படித்தார். பாடங்களில் சிறந்த தேர்ச்சி பெற்றதன் காரணத்தால் இந்த மாணவிக்கு 20 தங்க பதக்கங்கள் கிடைத்துள்ளது குறிப்பிடத்தக்கது. இவரது சாதனையால் பலரும் இவரை பாராட்டி வருகின்றனர்.
