ஷாருக்கான் நடித்த ‘பதான்’ திரைப்படம் மிகப்பெரிய எதிர்பார்ப்புகளுக்கு மத்தியில் நேற்று திரையரங்களில் வெளியானது. அதிரடி ஆக்சன் த்ரில்லர் படமான இந்த படத்தை இயக்குனர் சித்தார்த் ஆனந்த் இயக்கியுள்ளார். படத்தில் தீபிகா படுகோன்,ஜான் ஆபிரகாம், அசுதோஷ் ராணா, டிம்பிள் கபாடியா ஆகியோர் முக்கியமான கதாபாத்திரத்தில் நடித்துள்ளார்கள்.

4 ஆண்டுகளுக்கு பிறகு ஷாருக்கான் படம் திரையரங்குகளில் வெளியாகியுள்ளது என்பதால் படத்தை ரசிகர்கள் திரையரங்கில் கொண்டாடி வருகிறார்கள். படமும் அருமையாக இருப்பதால் படத்தை பார்த்த பலரும் சூப்பர்…கண்டிப்பாக பிளாக் பஸ்டர் என கருத்துக்களை கூறி வருகிறார்கள்.

இந்த நிலையில், படம் வெளியான முதல் நாளில் மட்டும் இந்தியாவில் எத்தனை கோடி வசூல் செய்துள்ளது என்ற தகவல் கிடைத்துள்ளது. அதன்படி, படம் வெளியான முதல் நாளில் இந்தியாவில் மட்டும் 54 கோடி வசூல் செய்துள்ளதாக பாக்ஸ் ஆபிஸ் வட்டாரத்தில் சொல்லப்படுகிறது.

மேலும், உலகம் முழுவதும் பதான் திரைப்படம் வெளியான 1 நாளில் 100 கோடி வசூல் செய்துள்ளதாக கூறப்படுகிறது. இந்தி திரையுலகில் இது மிகப்பெரிய சாதனை என்றும் சொல்லப்படுகிறது. வரும் நாட்கள் விடுமுறை நாட்கள் என்பதால் படத்திற்கான வசூல் இன்னும் அதிகரிக்கும் என கூறப்படுகிறது. மேலும் படம், தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளில் வெளியானது என்பது குறிப்பிடத்தக்கது.

பால முருகன்

நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

See Full Bio